ఒక నియోజకవర్గం.. ఇద్దరు ప్రజాప్రతినిధులు

1952, 1957 ఎన్నికల సమయంలో కరీంనగర్‌ లోక్‌సభా స్థానం ‘ద్వి’ నియోజకవర్గంగా ఉండేది. ఇక్కడి ఓటర్లు ఇద్దరు సభ్యులకు ఎన్నుకునేవారు. అప్పట్లో ఉమ్మడి జిల్లా మొత్తానికి ఒకే నియోజకవర్గం ఉండటంతో ఈ విధానాన్ని అనుసరించారు. 1952లో జరిగిన మొదటి ఎన్నికల్లో పీపుల్స్‌ డెమోక్రటిక్‌ ఫ్రంట్‌ నుంచి బద్దం ఎల్లారెడ్డి, ఎన్‌.సి.ఎఫ్‌. నుంచి ఎం.ఆర్‌.కృష్ణ ఎన్నికయ్యారు. 1957లో కాంగ్రెస్‌ పార్టీ నుంచి ఎం.శ్రీరంగారావు, ఎం.ఆర్‌.కృష్ణ ఎన్నికయ్యారు. 1962లో కరీంనగర్‌ నియోజకవర్గం రెండుగా విడిపోయింది. దీంతో పెద్దపల్లి, కరీంనగర్‌ ఎంపీ స్థానాలకు వేర్వేరుగా ఎన్నికలు జరిగాయి. ద్వి నియోజకవర్గంగా ఉన్నపుడు ఒకరు జనరల్‌, మరొకరు రిజర్వుడ్‌ కేటగిరీ సభ్యులుండేవారు.

న్యూస్‌టుడే, కరీంనగర్‌ పట్టణం