మంచాలు మూలకు.. రోగులకు వెతలు

నంద్యాల పట్టణం సర్వజన ఆసుపత్రిలోని మాతాశిశు వార్డులో పలు విలువైన మంచాలను మూలకు పడేశారు. చిన్న చిన్న మరమ్మతులు చేయిస్తే వినియోగించుకునే అవకాశం ఉన్నా సరే అధికారులు పట్టించుకోవడం లేదు. 15 మంచాలను ఇలా పక్కన పడేశారు. వీటిలో శస్త్రచికిత్సలు చేయించుకున్న రోగులు, బాలింతలకు ఉపయోగించే ప్రత్యేక మంచాలు సైతం ఉన్నాయి. ఇవి మూలకు చేరడం వల్ల శస్త్రచికిత్సలు చేయించుకున్న వారు సాధారణ బెడ్లపైనే పడుకుని ఇబ్బందులు పడుతున్నారు.అధికారులు స్పందించి అధునాతన మంచాలను బాగుచేయించి వినియోగంలోకి తేవాల్సిన అవసరం ఉంది.
 న్యూస్‌టుడే, నంద్యాల బొమ్మలసత్రం