పదిలో విజయవాణి విద్యార్థుల విజయకేతనం

చౌడేపల్లె, న్యూస్‌టుడే: విజయవాణి విద్యాసంస్థ విద్యార్థులు పది ఫలితాల్లో సత్తా చాటారు. చిత్తూరు జిల్లా చౌడేపల్లె మండలం విజయవాణి నగర్‌లోని పాఠశాలలో 99.10 శాతం ఉత్తీర్ణత సాధించినట్లు ఆ విద్యాసంస్థల యజమాని నాయుని చంద్రశేఖర్‌ మూర్తి బుధవారం తెలిపారు. పాఠశాల నుంచి 111 మంది పరీక్షలు రాయగా.. 110 మంది ఉత్తీర్ణులైనట్లు వివరించారు. వీరిలో జి.వైష్ణవి 583 మార్కులతో మంచి ప్రతిభ చూపినట్లు పేర్కొన్నారు. చార్మిల 577, రుషిత 572, కార్తీక్‌ 571, గణేష్‌ 571 సాధించినట్లు తెలిపారు. 36 మంది విద్యార్థులకు 500 మార్కులకు పైగా సాధించారు.  విద్యార్థులను ప్రిన్సిపల్‌ జ్యోతిరాణి, ప్రధానోపాధ్యాయిని కరుణ, అకడమిక్‌ అడ్వజైర్‌ పురుషోత్తమరెడ్డి, అడ్మినిస్ట్రేటివ్‌ ఆఫీసర్‌ నాయుని గురుప్రసాద్‌, ఉపాధ్యాయ బృందం అభినందించారు.