అందరికీ రాజ్యాంగ ఫలాలు

మాట్లాడుతున్న న్యాయమూర్తి వెంకట రమణ సుహాస్‌

కొల్లాపూర్‌ పట్టణం, న్యూస్‌టుడే : సామాజిక న్యాయం, రాజకీయ స్థిరత్వం, ఆర్థిక సమానత్వం భారత రాజ్యాంగం అందిôచిన ఫలాలని అందరూ కట్టుబడి ఉండాలని కొల్లాపూర్‌ సివిల్‌ కోర్టు జడ్జి వెంకటరమణ సుహాస్‌ అన్నారు. శనివారం భారత రాజ్యాంగం దినోత్సవం సందర్భంగా ప్రభుత్వ డిగ్రీ కళాశాలలో సమావేశం నిర్వహించారు. ఈ సందర్భంగా ఆయన ముఖ్య అతిథిగా హాజరై మాట్లాడారు. మన రాజ్యాంగం అనేక దేశాలకు స్ఫూర్తిగా, ఆదర్శంగా నిలుస్తోందని మహిళలు చట్టాలను వినియోగించుకొని అన్ని రంగాల్లో రాణించాలన్నారు. ఈ కార్యక్రమంలో న్యాయమూర్తులు జోత్స్య, మిథున్‌తేజ, కళాశాల ప్రధానాచార్యులు మల్లేశం, బార్‌ అసోసియేషన్‌ అధ్యక్షుడు ఉపేందర్‌, న్యాయవాదులు వసంతరెడ్డి, భాస్కర్‌రెడ్డి, కురుమూర్తి, నిరంజన్‌, మోహన్‌లాల్‌, కురుమయ్య, రామలక్ష్మమ్మ, నాగరాజు, అధ్యాపకులు పాల్గొన్నారు.