విద్యుత్తు ఉద్యోగుల నిరసన

భోజన విరామ సమయంలో నినాదాలు చేస్తున్న ఉద్యోగులు

నిజామాబాద్‌ వైద్యవిభాగం, న్యూస్‌టుడే: ప్రైవేటీకరణకు వ్యతిరేకంగా జాతీయ సమన్వయ కమిటీ ఎలక్ట్రిసిటీ ఎంప్లాయిస్‌ అండ్‌ ఇంజినీర్స్‌ పిలుపు మేరకు బుధవారం పవర్‌హౌజ్‌ ఎదుట ఉద్యోగులు నిరసన తెలిపారు. విద్యుత్తు ఐకాస ఛైర్మన్‌ లక్ష్మారెడ్డి మాట్లాడుతూ.. కేంద్రం చేపడుతున్న ప్రైవేటీకరణ కుట్రను వెంటనే నిలిపివేయాలని లేని పక్షంలో నిరసనలు కొనసాగిస్తామన్నారు. 1104 యూనియన్‌ కంపెనీ అధ్యక్షుడు రఘునందన్‌ మాట్లాడుతూ.. ప్రభుత్వ రంగ సంస్థలను నిర్వీర్యం చేయడానికి కేంద్ర ప్రభుత్వం ప్రయత్నిస్తుందన్నారు. డీఈలు యుక్తార్‌, వెంకటరమణ, నాయకులు శ్రీనివాస్‌, కాశీనాథ్‌, సురేష్‌, శ్యామ్‌, సుమిత, విజయలక్ష్మి, తోటరాజశేఖర్‌ పాల్గొన్నారు.