సమాచారం అరచేతిలో..

న్యూస్‌టుడే, కామారెడ్డి పట్టణం: ఐదేళ్లకోసారి జరిగే ఎన్నికల్లో ఎప్పటికప్పుడు అనేక మార్పులు వస్తున్నాయి. సామాజిక మాధ్యమాల ద్వారా ప్రచారం నూతన సంస్కరణలకు నాంది పలికింది. లోక్‌సభ ఎన్నికల నేపథ్యంలో యంత్రాంగం సాంకేతికతను సద్వినియోగం చేసుకుంటోంది. వాట్సప్‌ ఛానెల్‌లోకి కేంద్ర ఎన్నికల సంఘం 2023 శాసనసభ ఎన్నికలప్పుడు ప్రవేశించింది. ప్రస్తుతం జరిగే ఎన్నికల్లోనూ వాట్సప్‌ ఛానెల్‌ వీక్షకులకు వివిధ రకాల సమాచారాన్ని చేరవేస్తోంది. ఓటరు చైతన్య కార్యక్రమాలు, వివిధ యాప్‌ల వివరాలను ఓటర్లకు అందుబాటులోకి తెచ్చింది. సి-విజిల్‌, సువిధ, సాక్ష్యం, కేవైపీ యాప్‌లతో ఎన్నికలకు సంబంధించి సమగ్ర వివరాలను ప్రజలకు సమాచారమిస్తున్నారు. ఉమ్మడి జిల్లాలో రెండు లోక్‌సభ స్థానాలు ఉన్నాయి. వచ్చే నెల 13న ఎన్నికల నేపథ్యంలో అనేక అంశాలను అందులో పొందుపరిచి సవివరంగా అందుబాటులో ఉంచారు.