వైభవంగా సీతారాముల కల్యాణం

మార్కాపురం పట్టణం: సీతారాముల కల్యాణంలో పాల్గొన్న భక్తులు

పొదిలి, పొదిలిగ్రామీణం, మార్కాపురం పట్టణం, గిద్దలూరు, బేస్తవారపేట, కంభం, కొమరోలు గ్రామీణం, త్రిపురాంతకం గ్రామీణం, యర్రగొండపాలెం:  రాములోరి కల్యాణం బుధవారం వాడ, వాడలా అంగరంగ వైభవంగా నిర్వహించారు. భక్తులకు వడపప్పు, పానకం ప్రసాదం పంపిణీ చేశారు. అన్నదాన కార్యక్రమం నిర్వహించారు.

• పొదిలిలోని కొత్తూరు, పాతూరులోని రామాలయాలు, ఆంజనేయస్వామి ఆలయాలో సీతారాముల కల్యాణం జరిపించారు.
• మార్కాపురంలోని లక్ష్మీనారాయణస్వామి ఆలయం, రామాలయాల్లో ఆలయంలో  సీతారాముల కల్యాణాన్ని కనుల పండుగగా నిర్వహించారు.
• గిద్దలూరులోని సీతారాముల కల్యాణమండపంలో నిర్వహించినకల్యాణోత్సవంలో ముత్తుముల అశోక్‌రెడ్డి దంపతులు, ఎంపీ మాగుంట శ్రీనివాసరెడ్డి కుమారుడు రాఘవరెడ్డి దంపతులు పాల్గొన్నారు.
• బేస్తవారపేట, కొమరోలు, రాచర్ల, కంభం, పెద్దదోర్నాల మండలంలోని  రామాలయాల్లో కల్యాణ కృతువును శాస్త్రోక్తంగా నిర్వహించారు. దేవతా వస్త్రాల అలంకరణతో చిన్నారులు ప్రదర్శన భక్తులను అలరించాయి.
• త్రిపురాంతకంలో ఆర్‌ఎస్‌ఎస్‌, వీహెచ్‌పీ, ఎస్‌ఎస్‌ఎఫ్‌ ఆధ్వర్యంలో సీతారాముల స్వాముల శోభాయాత్రను గ్రామంలో నిర్వహించారు.
• వై.పాలెం పట్టణం పడమటి బజారులోని రామాలయంలో సీతారాముల కళ్యాణం కన్నుల పండువగా జరిగింది.
• యర్రగొండపాలెంలోని బంగారు దుకాణాల బజారులో  సీతారాములకు ప్రత్యేక పూజలు  నిర్వహించారు.
• కంభం మండలంలోని తురిమెళ్లలో ప్రసన్న వేంకటేశ్వరస్వామి బుధవారం గజవాహనంపై భక్తులకు దర్శనమిచ్చారు.

పొదిలిలో భక్తులకు అన్నదానం

వై.పాలెంలో...

త్రిపురాంతకం గ్రామీణం:  శ్రీరాముని శోభాయాత్ర