సంపూర్ణ గృహ హక్కు పథకం

పాడేరు, న్యూస్‌టుడే: జగనన్న సంపూర్ణ గృహ హక్కు పథకం కింద వన్‌టైమ్‌ సెటిల్‌ మెంట్‌(ఓటీఎస్‌) వసూళ్లకు షెడ్యూల్డ్‌ ప్రాంతాల్లో వెసులుబాటు కల్పించినట్లు ఐటీడీఏ ప్రాజెక్టు అధికారి గోపాలకృష్ణ శనివారం ‘న్యూస్‌టుడే’కు తెలిపారు. మూడు రోజుల క్రితం గృహ నిర్మాణశాఖ ఉన్నతాధికారుల నుంచి తనకు ఓరల్‌గా సమాచారం అందినట్లు చెప్పారు. దీనిపై లిఖిత పూర్వక ఆదేశాలేవీ రాలేదన్నారు. ఈ మేరకు ఏజెన్సీలో ఎక్కడా ఓటీఎస్‌ వసూళ్లు చేపట్టడం లేదని స్పష్టం చేశారు. గిరిజన ప్రాంతాల్లో ఓటీఎస్‌కు వెసులుబాటు కల్పించాలని ఎంపీ మాధవితో పాటు పాడేరు, అరకులోయ ఎమ్మెల్యేలు కొట్టగుళ్లి భాగ్యలక్ష్మి, ఫాల్గుణ సీఎం జగన్‌మోహన్‌రెడ్డిని కోరారు.