మాజీ కౌన్సిలర్‌ దంపతుల ఓట్లు గల్లంతు..

కొత్తూరు (అనకాపల్లి), న్యూస్‌టుడే: జీవీఎంసీ 82వ వార్డు శ్రీరామనగర్‌ కాలనీలో ఉంటున్న మాజీ కౌన్సిలర్‌ యర్రంశెట్టి లక్ష్మి పేరు ఓటర్ల జాబితాలో కనిపించలేదు. ఆమె గురువారం సచివాలయానికి వెళ్లి జాబితా పరిశీలించారు. తాను గతంలో అనకాపల్లి పురపాలక సంఘం 34వ వార్డు కౌన్సిలర్‌గా కూడా చేశానని లక్ష్మి తెలిపారు. తన భర్త యర్రంశెట్టి శ్రీనివాసరావు జీవీఎంసీ శానిటరీ విభాగంలో మేస్త్రీగా పనిచేస్తున్నారని, గతంలో అన్ని ఎన్నికల్లో తాము ఓటు వేశామన్నారు. ఇప్పుడు ఇద్దరి ఓట్లు లేవని చెప్పారు. బాధ్యులపై చర్యలు తీసుకోవాలని ఆమె విజ్ఞప్తి చేశారు.