రాంబిల్లి బ్యాంక్‌లో చోరీ యత్నం

ఎలమంచిలి, (రాంబిల్లి), న్యూస్‌టుడే: రాంబిల్లిలోని స్టేట్‌బ్యాంకులో శనివారం రాత్రి దొంగలు చోరీకి విఫలయత్నం చేశారు. బ్యాంకు వెనుక కిటికీ తొలగించి లోపలికి ప్రవేశించారు. లాకర్‌ ఓపెన్‌ చేయడానికి ప్రయత్నించి విఫలమయ్యారు. నాలుగు నెలల కిందట ఇదే బ్యాంకులో దొంగలు చోరీకి యత్నించారు.. సీసీ కెమెరాల్లో నిందితులు బ్యాంకులోకి ప్రవేశించడం రికార్డు అయ్యింది. అప్పుడు, ఇప్పుడు కూడా బ్యాంక్‌లో ఏమీ పోలేదు. ఆదివారం  స్థానిక సీఐ వెంకటరమణ బ్యాంకును పరిశీలించి అధికారులతో మాట్లాడారు. చోరీ యత్నంపై ఫిర్యాదు చేయలేదని సీఐ వివరించారు.