47 మంది ఉపాధ్యాయులకు కొవిడ్‌

ఈనాడు డిజిటల్‌, విశాఖపట్నం: కొవిడ్‌ కేసులు రోజురోజుకు ఉద్ధృతం అవుతున్నాయి. అన్ని వర్గాల వారు వైరస్‌ బారిన పడుతున్నారు. సంక్రాంతి సెలవుల అనంతరం సోమవారం నుంచి పాఠశాలలను తెరుస్తున్నారు. కొవిడ్‌ కేసులకు భయపడి విద్యార్థులు చాలామంది స్కూళ్లకు రావడానికి భయపడుతున్నారు. ఉపాధ్యాయులు కూడా కరోనాబారిన పడుతున్నారు. పాఠశాలలు పునఃప్రారంభం రోజునే 29 మంది టీచర్లకు కొవిడ్‌ సోకినట్లు విద్యాశాఖ వర్గాలు చెబుతున్నాయి. మంగళవారం మరో 18 మంది ఉపాధ్యాయులకు కొవిడ్‌ పాజిటివ్‌గా తేలింది. దీంతో ఉపాధ్యాయులు ఆందోళనకు గురవుతున్నారు. విద్యా శాఖ అప్రమత్తమయింది. పాఠశాలల్లో తప్పకుండా కొవిడ్‌ జాగ్రత్తలు పాటించేలా చర్యలు తీసుకోవాలని జిల్లా విద్యాశాఖ కార్యాలయ అధికారులు సూచిస్తున్నారు.