సహాయ నిధితో పేదలకు మేలు

బాధితుడికి చెక్కు అందజేస్తున్న ఉప ముఖ్యమంత్రి ముత్యాలనాయుడు

దేవరాపల్లి, న్యూస్‌టుడే: ప్రాణాపాయ స్థితిలో ఎంతో మంది పేదలకు సీఎం సహాయ నిధి ద్వారా ముఖ్యమంత్రి వై.ఎస్‌.జగన్‌ మోహన్‌రెడ్డి ప్రాణదాతగా నిలుస్తున్నారని ఉప ముఖ్యమంత్రి బూడి ముత్యాలనాయుడు వ్యాఖ్యానించారు. కె.కోటపాడు మండలం చౌడువాడ గ్రామానికి చెందిన శిలపరశెట్టి వెంకటరావుకి ప్రభుత్వం మంజూరు చేసిన రూ. 2 లక్షల చెక్కును తారువలోని తన క్యాంపు కార్యాలయంలో సోమవారం అందజేశారు. ఈ కార్యక్రమంలో వైకాపా నాయకులు రాజు తదితరులు పాల్గొన్నారు.

అనకాపల్లిలో మంగళవారం జరగనున్న ప్రపంచ ఆదివాసీ దినోత్సవానికి హాజరు కావాలని ఉప ముఖ్యమంత్రి బూడి ముత్యాలనాయుడుకు జిల్లా గిరిజన సంక్షేమాధికారిణి నాగ శిరీష ఆహ్వానించారు. సోమవారం తారువలోని ఆయన క్యాంపు కార్యాలయంలో మంత్రిని కలిసిన ఆమె ఆహ్వాన పత్రాన్ని అందజేశారు. వైఎస్‌ఆర్‌ ఉపాధ్యాయ సంఘ నాయకుడు చిరికి శ్రీనివాసరావు తదితరులున్నారు.