సంక్షేమ పథకాల పేరుతో లూటీ

మాట్లాడుతున్న భాజపా జిల్లా అధ్యక్షులు గండి సత్యనారాయణ

అచ్యుతాపురం, న్యూస్‌టుడే: వైకాపా ప్రభుత్వ మోసపూరిత విధానాలను ప్రజల్లోకి తీసుకెళ్లాలని భాజపా జిల్లా అధ్యక్షులు గండి సత్యనారాయణ పిలుపునిచ్చారు. మడుతూరులో నియోజకవర్గ కన్వీనర్‌ రాజాన సన్యాసినాయుడు ఆధ్వర్యంలో శనివారం ప్రజాపోరు సభ జరిగింది. సంక్షేమ పథకాల పేరుతో జగన్‌ ప్రభుత్వం రాష్ట్రాన్ని లూటీ చేస్తోందన్నారు. దీంతోపాటు మోదీ ప్రభుత్వం ఎన్నో సంక్షేమ పథకాలు అమలు చేస్తున్నా ప్రధాని ఫొటో కూడా లేకుండా రాష్ట్ర పథకాలగా ప్రచారం చేస్తున్నారని, దీనిని తిప్పికొట్టాలన్నారు. నియోజకవర్గ కన్వీనర్‌ రాజాన సన్యాసినాయుడు, గొంతిన భక్తసాయిరాం, అగ్గాల హనుమంతురావు, మేరుగు కాసుబాబు, రాజాన రాజు తదితరులు పాల్గొన్నారు.