ఈ పిట్ట.. విహారంలో దిట్ట

కొల్లేరు అతిథి

కైకలూరు గ్రామీణం, న్యూస్‌టుడే: మనదేశంతో పాటు ఆఫ్రికా, ఐరోపా, రష్యా, బంగ్లాదేశ్‌ తదితర ప్రాంతాల్లో కనిపించే ‘గ్రేహెరాన్‌’ పక్షిని స్థానికంగా నారాయణ పక్షిగా పిలుస్తారు. సుమారు 90 సెం.మీ నుంచి 98 సెం.మీ పొడవు ఉండి 2 నుంచి 3 కిలోల బరువు ఉండే ఈ పక్షి.. తెలుపు, నలుపు, బూడిద వర్ణాలతో చూపరులను ఇట్టే ఆకర్షిస్తుంది. శీతాకాలంలో మూడు గుడ్లు పెట్టి సంతానోత్పత్తి చేసుకుంటుంది. కొల్లేరు ప్రాంతంలో అయిదు వేల వరకు వీటి సంతతి ఉంటుందని అటవీశాఖ అధికారులు చెబుతున్నారు.