పులివెందుల, న్యూస్‌టుడే: వైయస్‌ఆర్‌ జిల్లా పులివెందుల వైకాపా అభ్యర్థిగా సీఎం జగన్‌ గురువారం నామినేషన్‌ వేయనున్నారు. ఇందుకు సంబంధించి పర్యటన షెడ్యూల్‌ ఖరారైంది. సీఎం జగన్‌ గురువారం ఉదయం 8.15 గంటలకు గన్నవరం విమానాశ్రయం నుంచి ప్రత్యేక విమానంలో బయలుదేరి 9.05 గంటలకు కడప విమానాశ్రయానికి చేరుకుంటారు. అక్కడి నుంచి ప్రత్యేక హెలికాప్టర్‌లో 9.10 నిమిషాలకు పులివెందుల భాకరాపురంలోని హెలిప్యాడ్‌కు చేరుకుంటారు. 9.50 గంటలకు రోడ్డు మార్గం ద్వారా సీఎస్‌ఐ మైదానానికి చేరుకుని బహిరంగ సభలో పాల్గొంటారు. 11.25 నుంచి 11.40 గంటల మధ్య పులివెందులలోని మినీ సెక్రటేరియట్‌ కార్యాలయంలో ఎన్నికల రిటర్నింగ్‌ అధికారికి నామపత్రాలు అందించనున్నారు. 11.45 గంటలకు భాకరాపురంలోని తన ఇంటికెళ్లి 12.15 నిమిషాల వరకు విశ్రాంతి తీసుకుంటారు. అనంతరం తిరుగు ప్రయాణంలో 2.30 గంటలకు తాడేపల్లికి చేరుకుంటారు.