తెదేపా నేత సునీల్‌కుమార్‌ ఆరోపణ

గుడివాడ గ్రామీణం, న్యూస్‌టుడే: గుడివాడలో ఆర్యవైశ్య సామాజిక వర్గంవారు కొనుగోలు చేసిన 11 ఇళ్ల స్థలాలను స్థానిక ఎమ్మెల్యే కొడాలి నాని ప్రధాన అనుచరులు ఆక్రమించారని తెదేపా రాష్ట్ర వాణిజ్య విభాగం ప్రధాన కార్యదర్శి గోకవరపు సునీల్‌కుమార్‌ ఆరోపించారు. స్థానిక తెదేపా కార్యాలయంలో సోమవారం ఆయన మీడియాతో మాట్లాడుతూ.. ఆర్యవైశ్యుల సంక్షేమానికి ఎమ్మెల్యే ఏం చేశారో చెప్పాలన్నారు. తమపై కక్ష సాధింపు చర్యలకు దిగి కల్యాణ మండపానికి ఆనుకొని డంపింగ్‌ యార్డు నిర్మించారన్నారు. ‘విద్యావికాస్‌’ వెనుక చైతన్య సహకార సొసైటీ పేరుతో ఉన్న 11 ప్లాట్లను నాని అనుచరులు దౌర్జన్యంగా లాక్కున్నారని ఆరోపించారు. వైశ్యులకు తెదేపా అండగా ఉంటుందని పేర్కొన్నారు.