Humsafar Express: హమ్‌సఫర్‌ ఎక్స్‌ప్రెస్‌ రైల్లో మంటలు

వల్సాడ్‌: గుజరాత్‌(Gujarat)లోని వల్సాడ్‌లో హమ్‌సఫర్ ఎక్స్‌ప్రెస్‌(Humsafar Express) రైలులో మంటలు చెలరేగాయి. తమిళనాడులోని తిరుచురాపల్లి-శ్రీ గంగానగర్ మధ్య ఈ రైలు నడుస్తోంది. ఇది వల్సాడ్‌ స్టేషన్ సమీపంలోకి వచ్చిన సమయంలో ఈ  ఘటన చోటుచేసుకుంది. (Fire accident)

రైలుకు చెందిన బ్రేక్‌ వ్యాన్‌ కోచ్‌లో మధ్యాహ్నం సమయంలో మంటలు ప్రారంభమయ్యాయని సంబంధిత అధికారులు వెల్లడించారు. దీంతో పక్క బోగీల్లోని ప్రయాణికులందరినీ వెంటనే దించేశారు. ఇప్పటివరకు అందిన సమాచారం ప్రకారం.. అంతా సురక్షితంగా ఉన్నారని , మంటలు అదుపులో ఉన్నాయని తెలుస్తోంది. సమాచారం అందడంతో వెంటనే రైల్వే అధికారులు ఘటనా స్థలానికి చేరుకున్నారు. అయితే ఘటనకు గల కారణాలు తెలియాల్సి ఉంది.