ఆజం ఖాన్‌కు ఏడేళ్ల జైలుశిక్ష

రాంపుర్‌: ఉత్తర్‌ప్రదేశ్‌లో సమాజ్‌వాదీ పార్టీ నేత ఆజం ఖాన్‌కు స్థానిక కోర్డు ఏడేళ్ల జైలుశిక్షను విధించింది. 2016లో దుంగార్పుర్‌లో ఒక ఇంటిని బలవంతంగా కూల్చివేసిన కేసులో ఈ శిక్షను ఖరారు చేసింది. రూ.8లక్షల జరిమానాను కూడా విధించింది. ఈ కేసులో మరో ముగ్గురికి ఐదేళ్ల జైలుశిక్ష, రూ.2.5లక్షల చొప్పున జరిమానాను విధించింది. యూపీలో సమాజ్‌వాదీ పార్టీ అధికారంలో ఉన్న సమయంలో ఆ ఇంటి కూల్చివేత జరిగింది. రాష్ట్రంలో ప్రభుత్వం మారాక కేసు నమోదైంది. ఆజం ఖాన్‌.. ప్రస్తుతం మరో క్రిమినల్‌ కేసులో జైలుశిక్ష అనుభవిస్తున్నారు.