Nitin Gadkari: కాంట్రాక్టర్లు, డీపీఆర్‌లకు రేటింగ్‌లు ఇవ్వాల్సిందే : గడ్కరీ

దిల్లీ: జాతీయ రహదారుల అభివృద్ధిలో ఎదురయ్యే ఆటంకాలపై కేంద్ర ఉపరితల రవాణాశాఖ మంత్రి నితిన్‌ గడ్కరీ (Nitin Gadkari) కీలక వ్యాఖ్యలు చేశారు. నూతన సాంకేతికతను అంగీకరించేందుకు సంబంధిత కంపెనీలు సిద్ధంగా లేకపోవడం వల్ల ఎన్‌హెచ్‌ఏఐకు (NHAI) ఇబ్బందులు ఎదురవుతున్నాయని అన్నారు. అంతేకాకుండా స్టీల్‌, సిమెంటు రంగంలోని పెద్ద కంపెనీలు ఒక్కసారిగా ధరలు పెంచే ప్రయత్నాల్లో మునిగిపోతున్నాయని (Companies form Cartels) సంచలన వ్యాఖ్యలు చేశారు.

‘డీపీఆర్‌లను సిద్ధం చేయడమే ఎన్‌హెచ్‌ఏఐకు అతిపెద్ద సవాల్‌. ఏ ప్రాజెక్టులోనూ కచ్చితమైన డీపీఆర్‌ (DPR) ఉండటం లేదు. కొత్త సాంకేతికత, నూతన పరిశోధనతో డీపీఆర్‌లను అంగీకరించేందుకు వీటితో ప్రమేయమున్న సంస్థలు సిద్ధంగా ఉండటం లేదు. అందుకే ప్రతిచోట డీపీఆర్‌ నాణ్యత కూడా చాలా తక్కువగా ఉంటోంది’ అని కేంద్ర ఉపరితల రవాణాశాఖ మంత్రి నితిన్‌ గడ్కరీ పేర్కొన్నారు. ఈ నేపథ్యంలో దేశంలో నాణ్యమైన మౌలిక సదుపాయాల కల్పనలో భాగంగా డీపీఆర్‌, కాంట్రాక్టర్లకు రేటింగ్‌ ఇవ్వాల్సిన అవసరం ఉందన్నారు.

స్వలింగ సంపర్కుల వివాహాల చట్టబద్ధతకు సుప్రీం నో..!

మరోవైపు దేశంలో సరకు రవాణా ధరలు అధికంగానే ఉన్నాయని కేంద్ర మంత్రి నితిన్‌ గడ్కరీ పేర్కొన్నారు. చైనాలో 8 నుంచి 10శాతం ఉండగా.. భారత్‌లో మాత్రం వీటి ఖర్చు 14 నుంచి 16శాతం ఉంటోందన్నారు. క్రిసిల్‌ ఇండియా ఇన్‌ఫ్రాస్ట్రక్చర్‌ కాంక్లేవ్‌ -2023లో కార్యక్రమంలో పాల్గొన్న ఆయన.. స్టీల్‌, సిమెంటు రంగంలోని పెద్ద కంపెనీలు ధరల అమాంతం పెంచే ప్రయత్నాల్లో ఉన్నాయన్నారు.