Ram Charan: మూగ జీవాలపై చరణ్‌ ప్రేమ.. మురిసిపోయిన చిరంజీవి.. వీడియో

ఇంటర్నెట్‌ డెస్క్‌: అగ్ర కథానాయకుల్లో ఒకరైన రామ్‌చరణ్‌ ఎంత సింపుల్‌గా ఉంటాడో, మూగజీవాలపై ఎంత ప్రేమ కురిస్తాడో తాజాగా విడుదలైన ఓ వీడియోనే చెబుతోంది. ప్రపంచాన్ని మరిచిపోయి జంతువులతో చరణ్‌ మమేకమైన ఆ క్షణాల్ని తండ్రి, ప్రముఖ నటుడు చిరంజీవి తన ఫోన్‌లో బంధించారు. తన తనయుడిని అలా చూసి మురిసిపోయారు. చరణ్‌.. మేకలు, కోళ్లు, శునకాల ఆకలి, దాహార్తి తీర్చే ఆ దృశ్యం ‘ఆచార్య’ సెట్స్‌లో చోటుచేసుకుంది. ఈ ఇద్దరితో దర్శకుడు కొరటాల శివ తెరకెక్కించిన చిత్రమిది. ఏప్రిల్‌ 29న విడుదల కానుంది. ఈ సందర్భంగా చిత్ర బృందం ఈ స్పెషల్‌ వీడియోను అభిమానులతో పంచుకుంది. ధర్మస్థలి అనే ఓ ఊరి నేపథ్యంలో సాగే ఈ సినిమాలో చిరుకి జోడీగా కాజల్‌ అగర్వాల్‌, చరణ్‌ సరసన పూజాహెగ్డే కనిపించనున్నారు. మ్యాట్నీ ఎంటర్‌టైన్‌మెంట్స్‌, కొణిదెల ప్రొడక్షన్‌ కంపెనీ సంయుక్తంగా నిర్మించిన ఈ సినిమాలో మహేశ్‌బాబు భాగమయ్యారు. ‘ఆచార్య’ కథను ఆయనే వినిపించనున్నారు.

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.