Anushka Shetty: అనుష్క చిత్రం... ఘాటి

క్రిష్‌ జాగర్లమూడి దర్శకత్వంలో అనుష్క శెట్టి ప్రధాన పాత్రధారిగా ఓ చిత్రం తెరకెక్కుతున్న విషయం తెలిసిందే.  యు.వి.క్రియేషన్స్‌, ఫస్ట్‌ ఫ్రేమ్‌ ఎంటర్‌టైన్‌మెంట్‌ సంస్థలు సంయుక్తంగా రూపొందిస్తున్నాయి. వంశీకృష్ణా రెడ్డి, రాజీవ్‌ రెడ్డి నిర్మాతలు. నాయికా ప్రధానమైన ఈ చిత్రానికి ‘ఘాటి’ అనే పేరుని ఖరారు చేశారు. అమెజాన్‌ ప్రైమ్‌ వీడియో ముంబయిలో నిర్వహించిన ఓ కార్యక్రమంలో ఈ సినిమా పేరుని, ప్రీ లుక్‌ని మంగళవారం విడుదల చేశారు. నేరస్తురాలిగా మారిన ఓ బాధితురాలి కథతో ఈ చిత్రం రూపొందుతోంది. ప్రతీకారం ప్రధానంగా సాగుతుంది. ‘మిస్‌ శెట్టి మిస్టర్‌ పొలిశెట్టి’ తర్వాత అనుష్క నటిస్తున్న ఈ చిత్రానికి చింతకింది శ్రీనివాస్‌రావు, క్రిష్‌, బుర్రా సాయిమాధవ్‌ రచన చేశారు.