నాందిలో ‘జైల్‌ ఫైట్‌’ వీడియో చూశారా?

ఇంటర్నెట్‌డెస్క్‌: అల్లరి నరేశ్‌ కథానాయకుడిగా విజయ్‌ కుమార్‌ కనకమేడల దర్శకత్వంలో తెరకెక్కిన బ్లాక్‌బస్టర్‌ చిత్రం ‘నాంది’. ఫిబ్రవరిలో ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద మంచి విజయాన్ని అందుకుంది. ముఖ్యంగా చేయని తప్పునకు జైలులో మగ్గిపోయే బాధితుడిగా నరేశ్‌ నటన మెప్పించింది.

ఇక వరలక్ష్మి శరత్‌కుమార్‌, ప్రియదర్శి, హరీశ్‌ ఉత్తమన్‌లు తమ పాత్రల్లో ఒదిగిపోయారు. ప్రస్తుతం ఈ చిత్రం ‘ఆహా’ ఓటీటీ వేదికగా ప్రేక్షకులను అలరిస్తోంది. తాజాగా ‘బ్యాటిల్‌ ఫర్‌ బెయిల్‌’ పేరుతో జైలు ఫైట్‌ సీన్‌ వీడియోను విడుదల చేసింది.