Anasuya: ‘దర్జా’ కథేంటి?

సునీల్‌, అనసూయ ప్రధాన పాత్రల్లో సలీమ్‌ మాలిక్‌ తెర కెక్కిస్తున్న చిత్రం ‘దర్జా’. శివశంకర్‌  పైడిపాటి నిర్మాత. ఆమని, పృథ్వీ,  అక్సాఖాన్‌ తదితరులు కీలక పాత్రలు పోషిస్తున్నారు. ఈ చిత్ర టీజర్‌ను నిర్మాత డి.సురేష్‌బాబు   ఇటీవల విడుదల చేశారు. ఈ సందర్భంగా ఆయన మాట్లాడుతూ.. ‘‘టీజర్‌ చాలా బాగుంది. సినిమా ప్రేక్షకుల్ని అలరిస్తుందని అనిపిస్తోంది. మంచి విజయం దక్కాలని మనస్ఫూర్తిగా కోరుకుంటున్నా’’ అన్నారు. ‘‘విభిన్నమైన ఫిక్షనల్‌ కథాంశంతో రూపొందింది. యాక్షన్‌కు ప్రాధాన్యముంది. కచ్చితంగా అందరికీ నచ్చుతుందని ఆశిస్తున్నాం’’ అని చిత్ర వర్గాలు తెలిపాయి. ఈ కార్యక్రమంలో మాజీ మంత్రి కామినేని శ్రీనివాస్‌, భూమాల శ్రీరామ్‌ మూర్తి, షమ్ము, అరుణ్‌ వర్మ తదితరులు పాల్గొన్నారు.