Eagle Movie Review: రివ్యూ: ఈగల్.. రవితేజ ఖాతాలో హిట్ పడిందా?
Eagle Movie Review: రవితేజ కథానాయకుడిగా కార్తిక్ ఘట్టమనేని దర్శకత్వంలో రూపొందిన యాక్షన్ థ్రిల్లర్ ‘ఈగల్’ మూవీ ఎలా ఉందంటే?
Eagle Movie Review; చిత్రం: ఈగల్; నటీనటులు: రవితేజ, అనుపమ పరమేశ్వరన్, నవదీప్, వినయ్ రాయ్, కావ్యథాపర్, మధు, శ్రీనివాస్ అవసరాల, శ్రీనివాసరెడ్డి, అజయ్ ఘోష్ తదితరులు; సంగీతం: డేవ్ జాండ్; సినిమాటోగ్రఫీ: కమ్లీ ప్లాకీ, కరమ్ చావ్లా; ఎడిటింగ్: కార్తిక్ ఘట్టమనేని; నిర్మాత: టి.జి.విశ్వ ప్రసాద్, వివేక్ కూచిభొట్ల; స్క్రీన్ప్లే: మణిబాబు కరణం; రచన, దర్శకత్వం: కార్తిక్ ఘట్టమనేని; బ్యానర్: పీపుల్ మీడియా ఫ్యాక్టరీ; విడుదల: 09-02-2024
సంక్రాంతికి రావల్సిన ‘ఈగల్’ కాస్త ఆలస్యంగా మంచి ప్రచార హంగామా మధ్య ప్రేక్షకుల ముందుకొచ్చింది. పెద్దగా పోటీ లేకుండా బాక్సాఫీస్ ముందుకొచ్చాడు రవితేజ (Ravi teja). మాస్ కథానాయకుల్లో ఒకరైన ఆయన ‘ధమాకా’, ‘వాల్తేర్ వీరయ్య’ చిత్రాలతో అదరగొట్టారు. ఆ వెంటనే ‘రావణాసుర’, ‘టైగర్ నాగేశ్వరరావు’ చిత్రాలతో వరుస పరాజయాల్ని ఎదుర్కొన్నారు. దాంతో ‘ఈగల్’ చిత్రంపై అందరి దృష్టి పడింది. ప్రచార చిత్రాలతో విడుదలకు ముందే ఆకర్షించిన ఈ చిత్రం అంచనాలకు తగ్గట్టుగా ఉందా? (Eagle Movie Review) రవితేజ ఖాతాలో హిట్ పడిందా?
కథేంటంటే: జర్నలిస్ట్ నళిని (అనుపమ పరమేశ్వరన్) రాసిన ఓ కథనంతో మొదలవుతుందీ కథ. చిన్న కథనమే అయినా... అది ప్రకంపనలు సృష్టిస్తుంది. ఈగల్ నెట్వర్క్కు సంబంధించిన అంశం కావడమే అందుకు కారణం. మన దేశానికి చెందిన ఇన్వెస్టిగేషన్ బృందాలు, నక్సలైట్లు, తీవ్రవాదులతోపాటు ఇతర దేశాలకు చెందిన వ్యక్తులకీ టార్గెట్గా ఉంటుంది ఈగల్. సహదేవ్ వర్మ (రవితేజ) ఒక్కడే ఈగల్ని ఓ నెట్వర్క్లా నడుపుతుంటాడు. చిత్తూరు జిల్లా తలకోన అడవుల్లోని ఓ పత్తి మిల్లుతోపాటు, పోలండ్లోనూ ఆ నెట్వర్క్ మూలాలు బహిర్గతం అవుతాయి. ఇంతకీ ఈగల్కీ, తలకోన అడవులకీ సంబంధం ఏమిటి?సహదేవ్ వర్మ ఎవరు?అతని గతమేమిటి, ఈగల్ నెట్వర్క్ లక్ష్యమేమిటి?ఈ విషయాలన్నీ జర్నలిస్ట్ నళిని పరిశోధనలో ఎలా బయటికొచ్చాయనేది సినిమా.
ఎలా ఉందంటే: స్టైలిష్ యాక్షన్ చిత్రాల హవా కొనసాగుతున్న ఈ దశలో... పక్కాగా ఆ కొలతలతో రూపుదిద్దుకున్న మరో చిత్రమిది. నిర్ణయం నియంత నివారణ... అంటూ ఆయుధం ఎవరి చేతుల్లో ఉండాలో ఈ కథతో చెప్పిన విధానం ఆకట్టుకుంటుంది. (Eagle Movie Review) ఈగల్, దాని నెట్వర్క్ పరిశోధనలతో కథ మొదలవుతుంది. ఆ పరిశోధనలో అసలు విషయాలు, అసలు పాత్రలు వెలుగులోకి వచ్చే వరకూ కథ అంతగా రక్తి కట్టదు. ఈగల్ ప్రస్తావన రాగానే భయపడే వ్యక్తులు, అసలు కథని తెలుసుకునేందుకు కథానాయిక అనుపమ చేసే రకరకాల ప్రయత్నాలతోనే ప్రథమార్ధం సాగుతుంది. విరామ సన్నివేశాలకు ముందే అసలు కథలోకి ప్రవేశించినట్టు అనిపిస్తుంది. విరామం తర్వాత వచ్చే యాక్షన్ సన్నివేశాల తర్వాత సినిమా మరింత రసవత్తరంగా మారుతుంది.
దర్శకుడు ఈ సినిమాను కథలు కథలుగా చెప్పే ప్రయత్నం చేశాడు. అది కొత్త ప్రయత్నమే కావొచ్చు కానీ, పెద్దగా ఫలితం ఇవ్వలేదు. కొన్నిచోట్ల కథనం గందరగోళంగా అనిపిస్తుంది. ఇలాంటి మైనస్లన్నింటినీ స్టైలిష్గా సాగే యాక్షన్ ఘట్టాలు మరిచిపోయేలా చేస్తాయి. అత్యున్నతమైన నిర్మాణ హంగులు, నాణ్యమైన విజువల్స్తో సినిమా మరో స్థాయికి వెళ్లింది. ద్వితీయార్ధంలో పోలండ్లో జరిగే కథ, పతాక సన్నివేశాల్లో సెంటిమెంట్, కొనసాగింపునకు కావల్సిన లీడ్ని ఇవ్వడం వంటి అంశాలన్నీ కూడా ఆకట్టుకుంటాయి. అమ్మవారి విగ్రహం నేపథ్యంలో యాక్షన్ ఘట్టం సినిమాకే హైలైట్. (Eagle Movie Review in telugu) బలమైన అంశాన్ని.. బలమైన కథతో చెప్పారు. ఆయుధాలు, పత్తి పంట నేపథ్యాల్ని ప్రేమకథతో కనెక్ట్ చేసిన తీరు ఆకట్టుకుంటుంది. లోతైన మాటలు సినిమాకు ఆకర్షణే అయినా, కథనంలోనే సరళత్వం లోపించింది. యాక్షన్ ప్రియుల్ని అలరించే అంశాలు ఈ సినిమాలో చాలానే ఉన్నాయి. రవితేజ చాలా రోజుల తర్వాత ఓ మంచి పాత్రలో కనిపించారు. ఆయన తెరపై రెండు కోణాల్లో కనిపిస్తారు. రెండు గెటప్పులూ బాగా నప్పాయి.
ఎవరెలా చేశారంటే: రవితేజ యాక్షన్ అవతారం సినిమాకు ప్రధాన ఆకర్షణ. ఆయన సహదేవ్ వర్మ పాత్రలో ఒదిగిపోయారు. ద్వితీయార్ధంలో యంగ్ లుక్లోనూ ఆకట్టుకున్నారు. ఆయన నటన ఇందులో సహజంగా ఉంది. అనుపమ, కావ్య థాపర్ పాత్రలకీ ప్రాధాన్యం ఉంది. అనుపమ సినిమా మొత్తం కనిపిస్తే, కావ్య థాపర్ ద్వితీయార్ధంలో చిన్న పాత్రలోనే అయినా ఆకట్టుకుంటుంది. నవదీప్ కీలకమైన పాత్రలో కనిపిస్తారు. వినయ్రాయ్, మధుబాల, శ్రీనివాస్ అవసరాల తదితరుల పాత్రలూ ఆకట్టుకుంటాయి. అజయ్ ఘోష్, శ్రీనివాసరెడ్డి, మిర్చి కిరణ్ నవ్వులు పంచుతారు.
సాంకేతికంగా... సినిమా ఉన్నతంగా ఉంది. పీపుల్ మీడియా ఫ్యాక్టరీ అత్యున్నత నిర్మాణ విలువలతో ఖర్చుకు వెనకాడకుండా ఈ సినిమాను నిర్మించింది. మణిబాబు కరణం మాటలు బాగున్నాయి. సంగీతం చిత్రానికి ప్రధాన బలం. డేవ్ జాండ్ నేపథ్య సంగీతం ప్రభావం చూపిస్తుంది. రవితేజ, కావ్య థాపర్లపై ప్రేమ పాట, చిత్రీకరణ బాగుంది. కెమెరా, ఎడిటింగ్ విభాగాల్నీ చూసుకున్న దర్శకుడు కార్తీక్ ఘట్టమనేని సినిమాను స్టైలిష్గా తీయడంలో విజయవంతమయ్యారు. రచనలోనూ బలం ఉంది.
- బలాలు
- + రవితేజ నటన
- + స్టైలిష్ మేకింగ్
- + ద్వితీయార్ధం
- బలహీనతలు
- - ఆరంభ సన్నివేశాలు
- చివరిగా...: ఈగల్.. యాక్షన్తో మెప్పిస్తాడు రవితేజ (Eagle Movie Review in telugu)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!
-
మాల్దీవుల జలాల్లోకి.. మళ్లీ చైనా పరిశోధక నౌక
-
యుద్ధాలు ఆపాలంటే ఇదొక్కటే మార్గం: పూరి జగన్నాథ్
-
అలెన్ హెర్బల్ కంపెనీలో భారీ అగ్ని ప్రమాదం
-
వృద్ధురాలి స్ఫూర్తి.. ఆక్సిజన్ సపోర్ట్తోనే పోలింగ్ కేంద్రానికి!