మమ్ముట్టి స్కూల్‌ డేస్‌లో ఏం జరిగింది..?

ఇంటర్నెట్‌ డెస్క్‌: దక్షిణాదిలో పరిచయం అక్కర్లేని నటుడు మలయాళ సూపర్‌స్టార్‌ మమ్ముట్టి. ఆయన నటిస్తున్న చిత్రం ‘గ్యాంగ్స్‌ ఆఫ్ ‌18’. శంకర్‌ రామకృష్ణన్ తెరకెక్కిస్తున్న ఈ చిత్రంలో ఆర్య, పృథ్వీరాజ్‌ సుకుమారన్‌ కీలకపాత్రల్లో కనిపించనున్నారు. తాజాగా ఈ సినిమా తెలుగు ట్రైలర్‌ను అక్కినేని హీరో సుమంత్‌ విడుదల చేశారు. శ్రీవేంకటేశ్వర విద్యాలయ పతాకంపై వెంకట సాంబిరెడ్డి నిర్మిస్తున్నారు. ఏ.హెచ్‌.కాషిఫ్‌ సంగీతం అందించారు.

రెండు పాఠశాలలు.. అందులో ఒకటి ప్రభుత్వ పాఠశాల, మరొకటి ప్రైవేటుది. ఆ స్కూళ్లలో అండర్‌ వరల్డ్‌ గ్రూపులుగా మారిన విద్యార్థులు. ఆ గ్రూపుల మధ్య జరిగే గొడవలు, మరోవైపు ప్రేమకథ.. ఈ నేపథ్యంలో సినిమాను తెరకెక్కించినట్లు తెలుస్తోంది. అయితే.. నా స్కూల్‌డేస్‌ అనే ట్యాగ్‌లైన్‌తో రూపొందించిన ఈ చిత్రంలో ఆ రెండు పాఠశాలల విద్యార్థులతో హీరో మమ్ముట్టికి సంబంధం ఏంటి..? అనే ఆసక్తి రేకెత్తించేలా ట్రైలర్‌ సాగింది. ఆ ట్రైలర్‌ను మీరూ చూసేయండి మరి..

 ఇదీ చదవండి..

అల్లు అర్జున్‌ కారవాన్‌కు ప్రమాదం