రివ్యూ: సరిలేరు నీకెవ్వరు
గతేడాది ‘మహర్షి’తో ప్రేక్షకులను పలకరించిన మహేశ్బాబు ఆ సినిమాతో బాక్సాఫీస్ వద్ద మంచి విజయాన్ని అందుకున్నారు. ‘శ్రీమంతుడు’, ‘భరత్ అనే నేను’, ‘మహర్షి’లతో వరుస సందేశాత్మక సినిమాలు చేస్తూ సాగుతున్న మహేశ్ నుంచి ‘పోకిరి’, ‘దూకుడు’ తర్వాత మాస్ మసాలా ఎంటర్టైనర్ను...
చిత్రం: సరిలేరు నీకెవ్వరు
నటీనటులు: మహేశ్బాబు, రష్మిక, విజయశాంతి, ప్రకాష్రాజ్, రాజేంద్రప్రసాద్, రావు రమేష్, పోసాని కృష్ణ మురళి, వెన్నెల కిషోర్, సత్యదేవ్, అజయ్, సుబ్బరాజు, నరేశ్, రఘుబాబు, బండ్ల గణేశ్, సంగీత, హరితేజ, రోహిణి, సూర్య, తమన్నా (ప్రత్యేకగీతం) సంగీతం: దేవిశ్రీ ప్రసాద్ సినిమాటోగ్రఫీ: ఆర్. రత్నవేలు ఎడిటింగ్: తమ్మిరాజు నిర్మాత: అనిల్ సుంకర, దిల్రాజు, మహేశ్బాబు రచన, దర్శకత్వం: అనిల్ రావిపూడి బ్యానర్: ఏకే ఎంటర్టైన్మెంట్, శ్రీ వెంకటేశ్వర క్రియేషన్స్, జి.మహేశ్బాబు ఎంటర్టైన్మెంట్ ప్రైవేట్ లిమిటెడ్ విడుదల తేదీ: 11-01-2020 |
‘శ్రీమంతుడు’, ‘భరత్ అనే నేను’, ‘మహర్షి’లతో వరుస సందేశాత్మక సినిమాలు చేస్తూ సాగుతున్న మహేశ్ నుంచి ‘పోకిరి’, ‘దూకుడు’ తర్వాత మాస్ మసాలా ఎంటర్టైనర్ను చూసి ప్రేక్షకులకు చాలా కాలమైంది. అలాంటి సినిమా ఎప్పుడెప్పుడా అని ఎదురు చూస్తున్న ఆయన అభిమానులకు ఈ సంక్రాంతికి ‘సరిలేరు నీకెవ్వరు’ రూపంలో ముందుకు వచ్చింది. అనిల్ రావిపూడి దర్శకత్వంలో మహేశ్ కథానాయకుడిగా నటించిన చిత్రం ఇది. అంతేకాదు, 13 ఏళ్ల తర్వాత విజయశాంతి ఈ సినిమాతో రీఎంట్రీ ఇవ్వడం, అదీ మహేశ్బాబుతో కలిసి పనిచేయడంతో ఈ చిత్రంపై భారీ అంచనాలు నెలకొన్నాయి. ఆర్మీ అధికారిగా మహేశ్ ఎలా నటించారు? ప్రొఫెసర్ భారతి పాత్రలో విజయశాంతి పాత్ర ఎలా చేశారు? అనిల్ రావిపూడి మహేశ్ను ఎలా చూపించారు? మహేశ్ నుంచి పూర్తి స్థాయి యాక్షన్ ఎంటర్టైనర్ను కోరుకుంటున్న అభిమానుల ఆశ నెరవేరిందా?
కథేంటంటే: అజయ్ కృష్ణ (మహేశ్బాబు) ఆర్మీలో మేజర్. ధైర్య సాహసాలు కలిగిన ఆర్మీ అధికారి. కొందరు ఉగ్రవాదులు పాఠశాల విద్యార్థులను కిడ్నాప్ చేస్తారు. వారి చెర నుంచి విద్యార్థులను విడిపించేందుకు ప్రత్యేక ఆపరేషన్ కోసం రంగంలోకి దిగుతారు మహేశ్బాబు, అతని టీమ్. ఆ సమయంలో మేజర్ అజయ్ కృష్ణకు ఒక ఊహించని పరిస్థితి ఎదురవుతుంది. దీంతో ఆర్మీ నిబంధనలకు కట్టుబడి కర్నూలు బయలుదేరి వస్తాడు. అక్కడ భారతి (విజయశాంతి) కర్నూలు మెడికల్ కాలేజ్లో ప్రొఫెసర్. కశ్మీర్లో ఆర్మీ మేజర్గా పనిచేసే అజయ్కృష్ణ.. వైద్య కళాశాలలో ప్రొఫెసర్గా పనిచేసే భారతిని వెతుక్కుంటూ కర్నూలుకు ఎందుకు రావాల్సి వచ్చింది? అజయ్ కర్నూలు వచ్చేసరికి భారతి ఎలాంటి ఇబ్బందుల్లో ఉన్నారు? ఆ పరిస్థితులకు కారణం ఎవరు? ఆమెను ఆ ఆపద నుంచి అజయ్ ఎలా రక్షించాడు? అసలు ప్రొఫెసర్ భారతికి అజయ్కృష్ణకు ఉన్న సంబంధం ఏంటి? మంత్రి నాగేంద్రప్రసాద్ (ప్రకాష్రాజ్) కథేంటి? చివరకు అతను ఏమయ్యాడు? మధ్యలో సంస్కృతి (రష్మిక) ఎవరు? తెలియాలంటే సినిమా చూడాల్సిందే!
ఎలా ఉందంటే: మహేశ్బాబు నుంచి ఒక మాస్ ఎంటర్టైనర్ కోసం ఎంతో కాలంగా ఎదురు చూస్తున్న అభిమానుల ఆశ ‘సరిలేరు నీకెవ్వరు’తో ఎట్టకేలకు నెరవేరింది. సగటు మహేశ్ అభిమాని ఏం కోరుకుంటాడో అవన్నీ రంగరించి తయారు చేసుకున్న కథలా అనిపిస్తుంది. ఆర్మీ అధికారిగా మహేశ్ లుక్, యాక్షన్ ఆయన అభిమానులను విశేషంగా అలరిస్తుంది. అదే సమయంలో ప్రొఫెసర్ భారతిని కాపాడే వ్యక్తిగా రెండు పాత్రల్లో వేరియేషన్స్ చూపించాడు. ఆర్మీ నేపథ్యంతో సినిమాను మొదలు పెట్టిన దర్శకుడు నెమ్మదిగా కథలోకి తీసుకెళ్లే ప్రయత్నం చేశాడు. ఉగ్రవాదుల నుంచి మహేశ్బాబు విద్యార్థులను కాపాడే సన్నివేశాలు ఆసక్తికరంగా సాగుతాయి. అనుకోని పరిస్థితుల్లో అజయ్ రైలులో కర్నూలు బయలుదేరతాడు. అప్పటివరకూ సీరియస్గా సాగిన కథలోకి రష్మిక, సంగీత, రావు రమేష్, బండ్ల గణేశ్ తదితర పాత్రలు ప్రవేశిస్తాయి. ఆ పాత్రలన్నీ అలరిస్తాయి. రైలులో జరిగే సన్నివేశాలన్నీ ప్రేక్షకులకు కడుపుబ్బా నవ్విస్తాయి. అజయ్ను ప్రేమించే అమ్మాయిగా రష్మిక నటన, మేనరిజం.. బ్లేడ్ గ్యాంగ్గా బండ్ల గణేష్ హంగామాతో ప్రథమార్ధం కితకితలు పెట్టిస్తుంది. ఆ తర్వాత కథ కర్నూలు చేరుకోవడంతో కథలోకి మళ్లీ సీరియస్నెస్ వచ్చేస్తుంది. అక్కడి నుంచి అజయ్, భారతి-నాగేంద్ర ప్రసాద్ మధ్య పోరు మొదలవుతుంది.
ద్వితీయార్ధం మొత్తం అజయ్-భారతి-నాగేంద్ర ప్రసాద్ ఈ మూడు పాత్రల మధ్యే ప్రధానంగా సన్నివేశాలు సాగుతాయి. ఒక హత్య కేసు కోసం భారతి పోరాటం చేయడం, ఆమె కుటుంబంపై నాగేంద్ర ప్రసాద్ కక్ష సాధించడం, విషయం తెలిసిన అజయ్ ఆ చర్యలను అడ్డుకోవడం ఇలా సన్నివేశాలన్నీ ఒకదానితో ఒకటి ముడిపడి ఉంటాయి. మహేశ్-విజయశాంతి-ప్రకాష్రాజ్ ఒకరితో పోటీ పడి మరొకరు నటించారు. ప్రథమార్ధంలో కామెడీకి అధిక ప్రాధాన్యం ఇచ్చిన దర్శకుడు ద్వితీయార్ధంలో కథనం సీరియస్గా నడుపుతూనే, క్రైమ్ బ్రాంచ్ కోటిగా సుబ్బరాజు, కిషోర్లతో కామెడీతో పంచే ప్రయత్నం చేశాడు. రాజకీయ నాయకులను బంధించి మహేశ్బాబు చెప్పే పిట్ట కథ, వాళ్లను భయపెట్టడానికి బాంబు పెట్టడం తదితర సన్నివేశాలు సరదాగా ఉంటాయి. ఇక విజయశాంతి-మహేశ్బాబుల మధ్య ఆర్మీ గొప్పదనం గురించి సన్నివేశాలు ఉద్విగ్నతకు గురి చేస్తాయి. ఆ సన్నివేశాల్లో నేపథ్య సంగీతం ఒళ్లు గగురుపొడిచేలా చేస్తుంది. ముఖ్యంగా మహేశ్ కర్నూలు వచ్చిన కారణాన్ని చెప్పే సన్నివేశంలో భావోద్వేగాలు అద్భుతంగా పండాయి. ఇంచుమించుగా మూడు గంటల నిడివి ఉన్న సినిమా ఇది. దీంతో ప్రథమార్ధంతో పోలిస్తే, ద్వితీయార్ధం కాస్త సాగదీసినట్లు అనిపిస్తుంది. అయితే, కథ సీరియస్గా సాగుతూనే మహేశ్ కామెడీ టైమింగ్ అలరిస్తుంది. ముఖ్యంగా యాక్షన్ సన్నివేశాల సమయంలోనూ మహేశ్ పంచ్లు, ప్రాసలు అభిమానులను ఆకట్టుకుంటాయి. ఇక కృష్ణ వెండితెరపై తళుక్కున మెరుస్తారు. అయితే, ఆయన ఎలా కనిపిస్తారన్నది వెండితెరపై చూడాల్సిందే. ఆయా సన్నివేశాలు అభిమానులకు పండగే. సన్నివేశాలకు ఇంకాస్త కత్తెర వేస్తే బాగుండేదేమో. క్లైమాక్స్ రొటీన్కు భిన్నంగా సాగుతుంది.
ఎవరెలా చేశారంటే
చాలా రోజుల తర్వాత మహేశ్బాబుకు ఒక పూర్తి స్థాయి యాక్షన్ ఎంటర్టైనర్ చేసే అవకాశం లభించింది. ఆర్మీ అధికారిగా, భారతి కుటుంబాన్ని కాపాడే వ్యక్తిగా రెండు పాత్రల్లో వైవిధ్యం చూపించారు. మేజర్ అజయ్కృష్ణగా ఉన్నంతసేపు హుందాగా నటించిన ఆయన కర్నూలు బయలుదేరిన తర్వాత నుంచి ఇంకాస్త ఎనర్జిటిక్గా నటించారు. ‘పోకిరి’, ‘దూకుడు’ తర్వాత ఆ స్థాయి కామెడీ టైమింగ్తో అలరించారు. ముఖ్యంగా మహేశ్ డైలాగ్ డెలివరీ, డ్యాన్స్లు, యాక్షన్ అభిమానులను విశేషంగా అలరిస్తుంది.
దాదాపు పదమూడేళ్ల తర్వాత వెండితెరకు రీఎంట్రీ ఇచ్చారు విజయశాంతి. ఇందులో ప్రొఫెసర్ భారతిగా ఒక పవర్ఫుల్ పాత్ర పోషించారు. మహేశ్తో సన్నివేశాలతో పాటు, ప్రకాష్రాజ్కు సవాల్ విసిరే సన్నివేశాల్లో విజయశాంతి అదరగొట్టేశారు. ముఖ్యంగా ఆర్మీ గొప్పదనం గురించి మహేశ్-విజయశాంతిల మధ్య వచ్చేసన్నివేశాల్లో ఆమె నటన మెప్పిస్తుంది. విజయశాంతి డైలాగ్ డెలివరీ, డిక్షన్ తెరపై చూస్తుంటే, పాత విజయశాంతి గుర్తుకు రాకమానదు.
ఇక కథానాయికగా రష్మిక పాత్ర పర్వాలేదు. అనిల్రావిపూడి తన కథానాయికలకు ఒక ప్రత్యేక మేనరిజం పెడతారు. ఇందులో రష్మిక ‘అర్థమవుతుందా..’ అంటూ పలికే సంభాషణలు నవ్వులు పూయిస్తాయి. మహేశ్బాబును ప్రేమించే అమ్మాయిగా మాత్రమే ఆమె నటన అలరిస్తుంది. ముఖ్యంగా రైలులో వచ్చే సన్నివేశాల్లో నవ్వుల పువ్వులు పూయిస్తుంది.
తాతగా, తండ్రిగా వైవిధ్య పాత్రలు చేస్తున్న ప్రకాష్రాజ్ ఇందులో మరోసారి ప్రతినాయకుడిగా నటించి మెప్పించారు. మంత్రి నాగేంద్ర ప్రసాద్గా ఆయన నటన ప్రేక్షకులను మెప్పిస్తుంది. ముఖ్యంగా మహేశ్-ప్రకాష్రాజ్ల మధ్య వచ్చే సన్నివేశాల్లో ఇద్దరూ పోటాపోటీగా నటించారు.
రాజేంద్రప్రసాద్, రావు రమేష్, పోసాని కృష్ణ మురళి, వెన్నెల కిషోర్, రఘుబాబు, బండ్ల గణేశ్, సంగీత, హరితేజలు నవ్వులు పంచే ప్రయత్నం చేశారు. తెర నిండా నటీనటులే కనిపిస్తారు. మిగిలిన నటీనటులు తమ పాత్రల పరిధి మేరకు నటించారు.
దేవిశ్రీ ప్రసాద్ మరోసారి తన మేజిక్ చూపించారు. ‘సరిలేరు నీకెవ్వరు’ యాంథమ్ తెరపై చూస్తుంటే ఒళ్లు గగురుపొడుస్తుంది. పార్టీ సాంగ్ ‘డాంగ్ డాంగ్’, ‘హీ ఈజ్ సో క్యూట్’, ‘సూర్యుడివో.. చంద్రుడివో’ పాటల తెరపై బాగున్నాయి. దేవి అందించిన నేపథ్య సంగీతం సినిమాకు హైలైట్. ముఖ్యంగా ఆర్మీ నేపథ్యంలో వచ్చే సన్నివేశాలకు, యాక్షన్ సీన్లను నేపథ్య సంగీతం అద్భుతంగా ఎలివేట్ చేసింది.
మాస్, ఎంటర్టైనర్లు తీయడంలో దర్శకుడు అనిల్ రావిపూడి సిద్ధహస్తుడు. గత చిత్రాలను చూస్తే ఈ విషయం మనకు అర్థమవుతుంది. మరోసారి అదే బాటలో పయనించారు. అయితే, ఈసారి మహేశ్బాబు కథానాయకుడు కావడంతో తెరపై ఎక్కువగా చూపించేందుకు ఆయనకు స్కోప్ లభించింది. మహేశ్ అభిమానులు ఆయన నుంచి ఏం కోరుకుంటున్నారో అదే విధంగా తెరపై చూపించడంలో అనిల్ రావిపూడి సఫలమయ్యారు. సాంకేతికంగా సినిమాను చాలా చక్కగా తీశారు. ఇటీవల కాలంలో మహేశ్ అత్యంత త్వరగా పూర్తి చేసిన సినిమా ఇదే కావడం విశేషం. అయితే, ఎక్కడా నాణ్యతలో రాజీ పడకుండా వేగంగా సినిమాను తెరకెక్కించారు. ప్రతి ఫ్రేమ్లోనూ భారీతనం కనిపిస్తుంది. ముగ్గురు నిర్మాతలు కావడం, మహేశ్ హీరో కావడంతో ఖర్చు విషయంలో ఎక్కడా రాజీ పడలేదు. రత్నవేలు సినిమాటోగ్రఫీ చక్కగా ఉంది. సినిమా కోసం రూపొందించిన కర్నూలు కొండారెడ్డి బురుజు సెట్తో పాటు ఇతర సెట్లు కూడా సహజంగా తీర్దిదిద్దారు.
బలాలు | బలహీనతలు |
+ మహేశ్బాబు | - ద్వితీయార్ధం నిడివి |
+ విజయశాంతి | - క్లైమాక్స్ |
+ కామెడీ | |
+ యాక్షన్ సన్నివేశాలు |
చివరిగా: మహేశ్ అభిమానులారా.. ‘మీకు అర్థమవుతోందా.. బొమ్మ దద్దరిల్లిపోద్ది’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
ఇవీ చదవండి...
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆవేశం.. రూ.150 కోట్లు వసూలు చేసిన మలయాళ బ్లాక్ బస్టర్ ఎలా ఉంది?
ఫహద్ ఫాజిల్ కీలక పాత్రలో నటించిన మలయాళ సూపర్హిట్ మూవీ ‘ఆవేశం’ మెప్పించిందా? -
రివ్యూ: ప్రణయ విలాసం.. ‘ప్రేమలు’ హీరోయిన్ నటించిన సినిమా ఎలా ఉందంటే?
మమితా బైజు, అర్జున్ అశోకన్ తదితరులు ప్రధాన పాత్రల్లో నటించిన చిత్రం ‘ప్రణయ విలాసం’. ‘ఈటీవీ విన్’లో స్ట్రీమింగ్ అవుతున్న ఈ సినిమా కథేంటంటే? -
రివ్యూ : బాక్.. తమన్నా, రాశీఖన్నాల హారర్ మూవీ ఎలా ఉంది
baak movie review: ‘అరణ్మనై’ సిరీస్లో నాలుగో భాగంగా వచ్చిన ‘బాక్’మూవీ సినీ ప్రేక్షకులను మెప్పించిందా? -
రివ్యూ: ఆ ఒక్కటీ అడక్కు.. అల్లరి నరేష్ ఖాతాలో హిట్ పడిందా?
aa okkati adakku review: అల్లరి నరేష్, ఫరియా జంటగా నటించిన కామెడీ ఎంటర్టైనర్ మెప్పించిందా. -
రివ్యూ: శబరి.. వరలక్ష్మీ శరత్కుమార్ నటించిన థ్రిల్లర్ ఎలా ఉంది?
sabari movie review in telugu: వరలక్ష్మీ శరత్కుమార్, గణేశ్ వెంట్రామన్ కీలక పాత్రల్లో నటించిన ‘శబరి’ మెప్పించిందా? -
రివ్యూ: ప్రసన్నవదనం.. సుహాస్ ఖాతాలో హిట్ పడిందా?
సుహాస్ కీలక పాత్రలో ఫేస్ బ్లైండ్నెస్ కాన్సెప్ట్తో రూపొందిన థ్రిల్లర్ మూవీ ఎలా ఉంది. -
రివ్యూ హీరామండి: ది డైమండ్ బజార్.. సంజయ్లీలా భన్సాలీ ఫస్ట్ వెబ్సిరీస్ ఎలా ఉంది?
భారీ తారాగణంతో సంజయ్లీలా భన్సాలీ దర్శకత్వంలో రూపొందిన వెబ్సిరీస్ మెప్పించిందా? -
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా?
తాజా వార్తలు (Latest News)
-
చీరలో అదాశర్మ హొయలు.. ఈవెంట్లో మౌనీరాయ్ పోజులు
-
పూర్వ వైభవానికి బైజూస్ పాట్లు.. కోర్సు ఫీజు తగ్గింపు!
-
కెనడా ఏ ఆధారాలూ ఇవ్వలేదు.. నిజ్జర్ హత్య కేసుపై భారత్
-
వీసా లేకుండానే థాయిలాండ్కు.. మరో ఆరు నెలలు వెసులుబాటు
-
నేటి రాశి ఫలాలు.. 12 రాశుల ఫలితాలు ఇలా... (10/05/24)
-
‘పది’లో 625/625 మార్కులు.. అదరగొట్టావ్ అంకిత!