ఆవకాయతో నిహారిక.. బుట్టబొమ్మ పాటతో అర్హ

ఇంటర్నెట్‌డెస్క్‌: మెగా డాటర్‌ నిహారిక ఆవకాయ కలుపుతోంది.. అల్లు అర్జున్‌ తనయ అర్హ ‘బుట్టబొమ్మ’ పాట వెరైటీగా పాడుతోంది. మండు వేసవిలో చెరకు రసం తాగిన రోజులను రష్మి గుర్తుకు తెచ్చుకుంటోంది. ఫ్యాషన్‌ దుస్తుల్లో సన్నీలియోని ఇల్లు తుడుస్తోంది. ఏంటీ ఇదంతా అనుకుంటున్నారా? ప్రస్తుతం లాక్‌డౌన్‌ కారణంగా సెలబ్రిటీలందరూ ఇళ్లలోనే ఉంటున్నారు. అయితే, సామాజిక మాధ్యమాల వేదికగా మాత్రం అభిమానులకు దగ్గరగా ఉంటున్నారు. తాము చేసే ప్రతి పనినీ ఇన్‌స్టా, ట్విటర్‌ వేదికగా పంచుకుంటున్నారు. వాటిని చూసి అభిమానులు తెగ సంబరపడిపోతున్నారు. మరి మన తారలు ఏం చేస్తున్నారో ఓలుక్కేద్దామా!