Kanguva: యోధుడిగా సూర్య.. ‘కంగువ’ ఫస్ట్‌ గ్లింప్స్‌ చూశారా?

హైదరాబాద్‌:  సూర్య (Suriya) కథానాయకుడిగా శివ దర్శకత్వంలో రూపొందుతున్న బహుభాషా చిత్రం ‘కంగువ’  (Kanguva). స్టూడియో గ్రీన్‌, యూవీ క్రియేషన్స్‌ సంస్థలు సంయుక్తంగా నిర్మిస్తున్నాయి. ఆదివారం సూర్య పుట్టినరోజు సందర్భంగా ఈ సినిమాకు సంబంధించిన ఫస్ట్‌ గ్లింప్స్‌ను చిత్ర బృందం విడుదల చేసింది. ఇప్పటివరకూ చేయని సరికొత్త పాత్రలో సూర్య కనిపించారు.  కంగువ అంటే అగ్ని శక్తి ఉన్న వ్యక్తి, పరాక్రమవంతుడు అని అర్థం. ఈ చిత్రాన్ని ఎంతో ప్రతిష్ఠాత్మకంగా త్రీడీలో.. పది భాషల్లో రూపొందిస్తున్నారు. పోరాట ఘట్టాలు, విజువల్‌ ఎఫెక్ట్స్‌ ప్రధాన ఆకర్షణగా ఈ చిత్రాన్ని తీర్చిదిద్దుతున్నారు. వచ్చే ఏడాది ‘కంగువ’ ప్రేక్షకుల ముందుకు రానుంది. ఈ సినిమాకి దేవిశ్రీ ప్రసాద్‌ సంగీతమందిస్తున్నారు.