Bollywood: శ్రీకాంత్‌ బొల్లా జీవిత కథలో ఈ ఇద్దరూ!

దివ్యాంగ పారిశ్రామిక వేత్త శ్రీకాంత్‌ బొల్లా (Srikanth Bolla) జీవితం ఆధారంగా ఓ చిత్రం తెరకెక్కనున్న సంగతి తెలిసిందే. ఇందులో శ్రీకాంత్‌ పాత్రలో ప్రముఖ బాలీవుడ్‌ నటుడు రాజ్‌కుమార్‌ రావ్‌ నటిస్తున్నాడు. ‘సాండ్‌ కీ ఆంఖ్‌’ తర్వాత తుషార్‌ హీరానందానీ దర్శకత్వం వహించనున్న చిత్రమిది. తాజా సమాచారం ప్రకారం ఈ చిత్రంలో నటి జ్యోతికతోపాటు (Jyothika) యువ కథానాయిక ఆల్యా ఎఫ్‌ (Alaya F) నటించనున్నట్టు  తెలుస్తోంది. ఈ ఇద్దరి పాత్రలు చిత్రంలో కీలకంగా నిలవనున్నాయట. ఈ నెలాఖరున సినిమాని సెట్స్‌పైకి తీసుకెళ్లడానికి సన్నాహాలు చేస్తున్నారు చిత్ర నిర్మాతలు భూషణ్‌కుమార్‌, నిధి పర్మార్‌. శ్రీకాంత్‌ బొల్లా స్ఫూర్తిదాయక జీవితాన్ని ఇందులో చూపించనున్నారు.