CM Jagan: సీఎం జగన్‌ను కలిసిన ‘మా’ అధ్యక్షుడు మంచు విష్ణు

అమరావతి: ఏపీ ముఖ్యమంత్రి వైఎస్‌ జగన్‌తో మూవీ ఆర్టిస్టు అసోసియేషన్‌ (మా) అధ్యక్షుడు మంచు విష్ణు సమావేశమయ్యారు. తాడేపల్లిలోని సీఎం నివాసానికి వచ్చిన మంచు విష్ణు... సీఎంతో కలిసి భోజనం చేశారు. సినిమా రంగానికి సంబంధించిన పలు సమస్యలపై ఆయనతో చర్చించారు. సినిమా టికెట్‌ ధరల పెంపు అంశం, ఆన్‌లైట్‌ టికెటింగ్‌, సినిమా రంగానికి ప్రభుత్వ సాయం తదితర అంశాలపై చర్చించినట్టు సమాచారం. సీఎంతో తాను మర్యాదపూర్వకంగానే సమావేశమైనట్టు మంచు విష్ణు తెలిపారు. ఇటీవల సినీ ప్రముఖులు చిరంజీవి, మహేశ్‌బాబు, రాజమౌళి తదితరులు సీఎం జగన్‌ను కలిసి సినిమా టికెట్ల ధరలు, తదితర అంశాలపై చర్చించిన విషయం తెలిసిందే.