Mahesh Babu: ‘భోళాశంకర్‌’ కోసం ఎదురుచూస్తున్నా: మహేశ్‌బాబు

హైదరాబాద్‌: చిరంజీవి (Chiranjeevi) నటించిన ‘భోళా శంకర్‌’ (Bholaa Shankar) సినిమా కోసం తాను ఎదురుచూస్తున్నానని మహేశ్‌బాబు (Mahesh Babu) తెలిపారు. శుక్రవారం ప్రేక్షకుల ముందుకు రానున్న ఈ సినిమా బ్లాక్‌బస్టర్‌ విజయాన్ని అందుకోవాలని కోరారు. ఈ మేరకు మహేశ్‌ తాజాగా ట్వీట్‌ చేశారు. చిత్ర దర్శకుడు మెహర్‌ రమేశ్‌, నిర్మాత అనిల్‌ సుంకర, ఇతర బృందానికి ఆయన ఆల్‌ ది బెస్ట్‌ చెప్పారు. ప్రస్తుతం ఈ ట్వీట్‌ వైరల్‌గా మారింది.

టాలీవుడ్‌ సీనియర్‌ సినీ రచయిత పరుచూరి గోపాలకృష్ణ సైతం ‘భోళాశంకర్‌’ని ఉద్దేశిస్తూ వీడియో రిలీజ్‌ చేశారు. మంచి వ్యక్తి బాగుంటే ప్రపంచం ఎప్పటికీ బాగుంటుందని ఆయన అన్నారు. ఈ సినిమా మంచి విజయాన్ని అందుకోవాలని కోరారు.

‘‘భోళా శంకర్’ ప్రీ రిలీజ్‌ ఈవెంట్‌ జరిగినంతసేపు చిరంజీవిని చూస్తూనే ఉన్నా. అప్పటికీ ఇప్పటికీ ఆయన ఎనర్జీ ఒకేవిధంగా ఉండటం చూసి ఆశ్చర్యపోయా. పవన్‌కల్యాణ్‌ని ఆయన ఇమిటేట్‌ చేయడం చూసి ఆనందించా. ఆయనతో మాకొక అందమైన, అద్భుతమైన, ఆత్మీయ అనుబంధం ఉంది. ‘ఖైదీ’ నుంచి  మా బంధం అలాగే కొనసాగుతుంది. మా జీవితకాలం ఈ బంధం ఇలాగే ఉంటుంది. కరోనా తర్వాత నుంచి మేము (పరుచూరి బ్రదర్స్‌) ఎక్కువగా బయటకు రావడం లేదు. లేకపోతే సినిమా సిట్టింగ్స్‌ విషయంలో ఆయన (చిరంజీవి) మమ్మల్ని పిలిచేవారు.

మహేశ్‌ థ్యాంక్యూ.. నాపై దృష్టి పెట్టండి అంటోన్న ఐశ్వర్య.. శునకాలతో సమంత

మెహర్‌ రమేశ్‌ మంచి వ్యక్తి. ఆయన దర్శకత్వంలో తెరకెక్కిన ఈ సినిమా ‘భోళాశంకర్‌’. చిరంజీవి మంచి మనసున్న వ్యక్తి. నా జీవితం, నా కుటుంబం.. అని గీత గీసుకుని ఉండే వ్యక్తులు కొంతమంది ఉంటారు. ఎదుటి వ్యక్తి భావాన్ని గమనించి.. అతనికి చేతనైన సాయం చేద్దాం అనుకునేవారు కొంతమంది ఉంటారు. అలాంటి ఆలోచన కలిగిన వారిలో చిరంజీవి ఒకరు. అలాంటి అద్భుతమైన మంచి వ్యక్తి నటించిన చిత్రం ‘భోళాశంకర్‌’. దీన్ని రామబ్రహ్మం సుంకర నిర్మించారు. తమన్నా, కీర్తిసురేశ్‌, రఘుబాబు, రావు రమేశ్‌, తదితరులు నటించారు. మహతి స్వరసాగర సంగీతం అందించారు. క్రియేటివ్‌ కమర్షియల్‌, ఏకే ఎంటర్‌టైన్‌మెంట్స్‌ సంయుక్తంగా దీన్ని నిర్మించాయి.

ఈ సినిమాని తప్పనిసరిగా చూసి.. చిరంజీవిని అందరూ అభినందించాలని కోరుకుంటూ టీమ్‌కు శుభాకాంక్షలు తెలియజేస్తున్నా. ఒక మంచి వ్యక్తి బాగుంటే ప్రపంచం బాగుంటుంది. మంచివాడి ఆలోచనల్లో కనుక మార్పు వస్తే కల్లోలం ఏర్పడుతుంది. భూకంపాలు వస్తాయి. మంచి వాళ్లందరూ ఐక్యంగా ఉంటే సమాజంలో చెడు నశించిపోతుంది. ఆ మంచివాళ్లకు మంచివాడు మా మెగాస్టార్‌. ఆయన బాగుండాలని, ఆ సినిమా సూపర్‌హిట్‌ కావాలని కోరుకుంటున్నా’’ అని పరుచూరి తెలిపారు.