Prabhas: ముహూర్తం ఖరారు

ప్రభాస్‌ - మారుతి కలయికలో సినిమా కోసం శరవేగంగా సన్నాహాలు జరుగుతున్నాయి. వచ్చే నెల నుంచే చిత్రీకరణ షురూ కానుంది. ఈ నెల 10నే చిత్రానికి కొబ్బరికాయ కొట్టనున్నారు. స్క్రిప్టు పనులు దాదాపుగా తుది దశకు చేరాయి. హారర్‌ కథతో, మారుతి మార్క్‌ వినోదంతో ఈ చిత్రం రూపొందనున్నట్టు తెలిసింది. ఇందులో ప్రభాస్‌కి జోడీగా ముగ్గురు కథానాయికలు సందడి చేయనున్నారు. ఇప్పటికే పలువురు భామల పేర్లు ప్రచారంలో ఉన్నాయి. సినిమా చిత్రీకరణ కోసం హైదరాబాద్‌లో ప్రత్యేకంగా సెట్స్‌ని తీర్చిదిద్దుతున్నారు. ప్రభాస్‌ అభిమానుల్ని అలరించడమే లక్ష్యంగా రూపొందనున్న ఈ సినిమా వేగంగానే ప్రేక్షకుల ముందుకొచ్చే అవకాశాలున్నాయి.