Naga Chaitanya: బాలా.. బాలరాజు బోడి

ఆమిర్‌ ఖాన్‌ (Aamir Khan).. నాగచైతన్య (Naga Chaitanya) కలిసి నటించిన చిత్రం ‘లాల్‌సింగ్‌ చడ్ఢా’ (LaalSingh Chaddha). అద్వైత్‌ చందన్‌ తెరకెక్కించారు. కరీనా కపూర్‌ (Kareena Kapoor) కథానాయిక. హాలీవుడ్‌లో విజయవంతమైన ‘ఫారెస్ట్‌ గంప్‌’కు రీమేక్‌గా రూపొందింది. ఈ సినిమాలో చైతన్య.. బాలరాజు బోడి అనే పాత్రలో కనిపించనున్నారు. ఈ పాత్రకు సంబంధించిన మేకింగ్‌ వీడియోను శుక్రవారం విడుదల చేశారు. అందులో చైతూ విభిన్నమైన లుక్స్‌లో కనిపించారు. ఈ పాత్ర కోసం తొలుత బాలకృష్ణ, బలరాం.. ఇలా రకరకాల పేర్లు అనుకున్నామని.. ఆఖరికి బాలరాజు బోడి అనే పేరు ఫిక్సయ్యామని నాగచైతన్య ఆ వీడియోలో తెలిపారు. ఈ చిత్రాన్ని తెలుగులో కథానాయకుడు చిరంజీవి సమర్పిస్తున్నారు. ఇది ఆగస్టు 11న ప్రేక్షకుల ముందుకు రానుంది.