Nithiin: పవన్‌ కల్యాణ్‌తో సినిమా.. నితిన్‌ ఏమన్నారంటే?

ఇంటర్నెట్‌ డెస్క్‌: నితిన్‌ (Nithiin) హీరోగా వక్కంతం వంశీ తెరకెక్కించిన చిత్రం ‘ఎక్స్‌ట్రా’. ఆర్డినరీ మ్యాన్‌.. ట్యాగ్‌లైన్‌ (Extra Ordinary Man). శ్రీలీల (Sreeleela) కథానాయిక. ఈ సినిమా డిసెంబరు 8న ప్రేక్షకుల ముందుకు రానుంది. ఈ సందర్భంగా చిత్ర బృందం హైదరాబాద్‌లోని సీఎంఆర్‌ ఇంజినీరింగ్‌ కాలేజ్‌లో వేడుక నిర్వహించి ‘బ్రష్‌ వేస్కో’ (Brush Vesko) పాటను విడుదల చేసింది. నితిన్‌ విద్యార్థులతో కలిసి డ్యాన్స్‌ చేసి అలరించారు. అనంతరం, వారితో కాసేపు ముచ్చటించారు.

* మీ జీవితం పెళ్లికి ముందు ఎక్స్‌ట్రార్డినరీనా, పెళ్లి తర్వాత ఎక్స్‌ట్రార్డినరీనా?

నితిన్‌: పెళ్లికి ముందు ఎక్స్‌ట్రా. పెళ్లి తర్వాత ఎక్స్‌ట్రార్డినరీ.

* మీ భార్యను ఏమని పిలుస్తారు?

నితిన్‌: బేబీ.

* పవన్‌ కల్యాణ్‌తో కలిసి ఎప్పుడు నటిస్తారు?

నితిన్‌: ఆ అవకాశం కోసం నేను ఎప్పటి నుంచో ఎదురుచూస్తున్నా.

* నా పేరు అను. మీ తదుపరి చిత్రంలోని హీరోయిన్‌కు నా పేరు పెడతారా?

నితిన్‌: తప్పకుండా.

* మీ ఫస్ట్‌ క్రష్‌ ఎవరు?

నితిన్‌: మూడో తరగతిలో నా ఫ్రెండ్‌.

* భవిష్యత్‌లో మిమ్మల్ని లవ్‌స్టోరీస్‌లో చూడొచ్చా?

నితిన్‌: ప్రస్తుతానికి సంతకం చేసిన సినిమాలన్నీ కామెడీ నేపథ్యంలో రూపొందేవే. అవి పూర్తయ్యాక లవ్‌స్టోరీ చిత్రాలు చేస్తా. 

‘ఎక్స్‌ట్రా’ గురించి మాట్లాడుతూ.. ‘‘దాదాపు 20 ఏళ్ల కెరీర్‌లో నేను నటించిన 32వ చిత్రమిది. ఇందులో నటించిన పాత్రను ఇప్పటి వరకు ఏ సినిమాలోనూ పోషించలేదు. పలు షేడ్స్‌ ఉన్న ఇలాంటి క్యారెక్టర్‌ తదుపరి చిత్రాల్లో వస్తుందో, రాదో నాకు తెలియదు. ఈ సినిమాలోని లాస్ట్‌ సాంగ్‌కు నేను, శ్రీలీల నువ్వా-నేనా? అన్నట్లు డ్యాన్స్‌ చేశాం. అదిరిపోద్ది. ఈ సినిమా పొట్ట చెక్కలయ్యేలా నవ్విస్తుంది’’ అని నితిన్‌ అన్నారు.