Feedback | E-PAPER | Pratibha

Priyanka Chopra: సర్జరీ తర్వాత అద్దంలో చూసుకొని భయపడ్డా..: ప్రియాంక చోప్రా

స్టార్‌ హీరోయిన్‌ ప్రియాంక చోప్రా (Priyanka Chopra) గతంలో తన ముక్కుకు సర్జరీ చేయించుకున్నట్లు తెలిపింది. అయితే ఆ సర్జరీ తర్వాత అద్దంలో చూసుకొని భయపడినట్లు చెప్పింది.

Published : 10 Mar 2023 13:11 IST

హైదరాబాద్‌: తెరపై అందంగా కనిపించడం కోసం నటీనటులు ఎంతో కష్టపడతారు. ఆహార నియమాల దగ్గర నుంచి అవసరమైన శస్త్రచికిత్సల వరకూ అన్ని చేయించుకుంటారు. తాజాగా ఓ స్టార్‌ హీరోయిన్‌కు సంబంధించిన సర్జరీ వార్త ప్రస్తుతం వైరలవుతోంది. తన నటనతో అందరినీ ఆకట్టుకున్న ప్రియాంక చోప్రా (Priyanka Chopra) గతంలో తన ముక్కుకు శస్త్రచికిత్స చేయించుకున్నట్లు ఆమె ఆటోబయోగ్రఫిలో రాసింది. ఇటీవల ఈ విషయాన్ని ఆమె గుర్తుచేసుకుంది.

‘‘నా ముక్కుకు సర్జరీ చేయించుకున్న తర్వాత దాని ఆకారం పూర్తిగా మారిపోయింది. బ్యాండేజ్‌ తీయగానే నేను, మా అమ్మ భయపడిపోయాం. నా ముఖం మరోలా కనిపించింది. అద్దంలో చూసినప్పుడు ఎవరినో చూస్తోన్న భావన కలిగేది. ఎంతో నిరాశకు గురయ్యాను. తిరిగి మాములు స్థితికి రావడానికి చాలా సమయం పట్టింది. అసలు కోలుకుంటానని అనుకోలేదు’’ అని ప్రియాంక చోప్రా తన ఆటోబయోగ్రఫీలో రాసుకొచ్చింది. ఇక 2000 సంవత్సరంలో మిస్‌ వరల్డ్‌గా కిరీటాన్ని ప్రియాంక సొంతం చేసుకున్న విషయం తెలిసిందే. ఆ తర్వాత బాలీవుడ్‌లో నటిగా మంచి గుర్తింపు తెచ్చుకుంది. త్వరలోనే ‘సిటాడెల్‌’ (Citadel) వెబ్‌సిరీస్‌తో ప్రేక్షకులను పలకరించనుంది.

► Read latest Movies News and Telugu News

► Follow us on Facebook, Twitter, Instagram & Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.