Radhika Madan: రాధికకి అరుదైన అవకాశం

‘అంగ్రేజీ మీడియం’, ‘మోనికా.. ఓ మై డార్లింగ్‌’ చిత్రాల నటి రాధికా మదన్‌ అరుదైన గౌరవం అందుకుంది. ఆమె ప్రతిష్ఠాత్మక టాలిన్‌ బ్లాక్‌నైట్స్‌ ఫిల్మ్‌ ఫెస్టివల్‌ న్యాయనిర్ణేతల బృందంలో సభ్యురాలిగా ఎంపికైంది. నికోలస్‌ సెలిస్‌ లోపెజ్‌, డయానా ఇలియాజే, ర్యాన్‌ హ్యాంగ్‌లాంటి పలువు అంతర్జాతీయ నటీనటులు ఈ జ్యూరీలో సభ్యులుగా ఉన్నారు. ఈ అరుదైన అవకాశం పొందిన తొలి భారతీయ నటి రాధికనే. ఎస్తోనియాలోని టాలిన్‌ నగరంలో నవంబరు 3 నుంచి 18వరకు జరిగే ఈ చిత్రోత్సవంలో ప్రపంచవ్యాప్తంగా వచ్చిన సినిమాల్ని ప్రదర్శిస్తారు. ‘ఈ ప్రఖ్యాత వేడుకలో ఒక న్యాయనిర్ణేతగా ఎంపికవడం గొప్ప గౌరవంగా భావిస్తున్నా. అంతర్జాతీయ సినీ ప్రముఖులతో కలిసి పని చేయడం నాకు ఒక మర్చిపోలేని అనుభవంగా మిగలనుంది’ అంటూ ఆమె సంతోషం వ్యక్తం చేసింది.