Updated : 08/10/2021 07:19 IST

MAA Elections: మా పథకాలు సభ్యులకి భరోసా

‘‘భారతదేశంలో ఒక శక్తిమంతమైన నటుల సమూహంగా ‘మా (మూవీ ఆర్టిస్ట్స్‌ అసోసియేషన్‌)’ ఉండాలి. అది నా కల. మేం అమలు చేయనున్న పథకాలు సభ్యులందరికీ భరోసాని కల్పిస్తాయి’’ అన్నారు హీరో మంచు విష్ణు. ఆయన ‘మా’ అధ్యక్షుడిగా పోటీ చేస్తున్న సంగతి తెలిసిందే. గురువారం తన ప్యానెల్‌ తరఫున మేనిఫెస్టోని ప్రకటించారు. తమ ప్యానెల్‌ విజయం సాధిస్తే రెండు ప్రభుత్వాలతో మాట్లాడి అర్హులైన నటులకి సొంత ఇల్లు వచ్చేందుకు కృషి చేస్తామని, అలాగే సొంత ఖర్చులతో ‘మా’ నూతన భనవం నిర్మిస్తామని విష్ణు ప్రకటించారు. ‘‘అసోసియేషన్‌లో అవకాశాలు లేక ఇబ్బంది పడుతున్నవారికి ‘మా యాప్‌’ ద్వారా సభ్యుల పోర్ట్‌ ఫోలియోల్ని క్రియేట్‌ చేసి నిర్మాతలు, దర్శకులు, రచయితలకి అందిస్తాం. తెలుగు ఆత్మ గౌరవం ఉట్టి పడేలా సొంత డబ్బుతో ‘మా’ భవనం నిర్మిస్తాం. ప్రతి సభ్యుడికీ వారి కుటుంబ సభ్యులకి ఉచిత ఆరోగ్య బీమా, మహిళా సభ్యుల సంక్షేమం, రక్షణ కోసం హైపవర్‌ కమిటీ ఏర్పాటు తమ ప్రాధాన్యం’’ అన్నారు విష్ణు. స్వచ్ఛంద సంస్థతో సర్వే చేయించి, అర్హులైన వృద్ధ పేద కళాకారులకి ఇప్పుడు ఇస్తున్న పింఛన్‌ని పెంచి అందించే ఏర్పాటు చేస్తామని ఆయన తెలిపారు. ‘మా’ సభ్యత్వ రుసుము తగ్గింపు, నిధుల సేకరణ కోసం కల్చరల్‌ అండ్‌ ఫైనాన్స్‌ కమిటీ ఏర్పాటు, సభ్యుల పిల్లలకి సినిమాలపట్ల అభిరుచి ఉంటే వారికి మోహన్‌బాబు ఫిల్మ్‌ ఇన్‌స్టిట్యూట్‌ ద్వారా శిక్షణ ఇప్పిస్తామని తెలిపారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని