Satyameva Jayate 2: మూడు పాత్రల్లో జాన్‌అబ్రహం

బాలీవుడ్‌ యాక్షన్‌ కథానాయకుడు జాన్‌ అబ్రహం తన కొత్త చిత్రం ‘సత్యమేవ జయతే-2’లో మూడు పాత్రల్లో కనిపించనున్నారు. 2018లో వచ్చిన ‘సత్యమేవ జయతే’ చిత్రానికి కొనసాగింపు వస్తున్న చిత్రమే ఇది.. మిలాప్‌ జవేరి దర్శకత్వం వహిస్తున్నారు. ఈ నెల 25న ఇది థియేటర్లలో విడుదల కానుంది. ఈ సందర్భంగా జాన్‌ అబ్రహం మాట్లాడుతూ ‘‘రైతు, ఇద్దరు బిడ్డల తండ్రి, పోలీసు అధికారి.. ఇలా మూడు పాత్రల్లో నటించడం చాలా కష్టంగా అనిపించింది. అయితే వాటిని తెరపై చూసుకున్నాక చాలా తృప్తిగా ఉంది. మొదటి సినిమాకు, దీనికి ఏ మాత్రం పోలిక లేదు’’ అని చెప్పారు.