Anubhavinchu Raja: నీ వల్లేరా.. నీ వల్లేరా

రాజ్‌ తరుణ్‌ కథా నాయకుడిగా శ్రీను గవి రెడ్డి తెరకెక్కిస్తున్న చిత్రం ‘అనుభవించు రాజా’. అన్నపూర్ణ స్టూడియోస్‌ ప్రై.లి, శ్రీవెంకటేశ్వర సినిమాస్‌ ఎల్‌ఎల్‌పి సంస్థలు సంయుక్తంగా నిర్మిస్తున్నాయి. కశిష్‌ ఖాన్‌ కథానాయిక. గోపీ సుందర్‌ స్వరాలందించారు. ఈ సినిమా ఈనెల 26న ప్రేక్షకుల ముందుకు రానుంది. ఈ నేపథ్యంలోనే ఈ చిత్ర రెండో గీతాన్ని నటి పూజా హెగ్డే సోమవారం విడుదల చేశారు. ‘‘నీ వల్లే రా.. నే
తొలిసారి.. మబ్బుల్లో తిరుగుతున్నా’’ అంటూ వినసొంపుగా సాగుతున్న ఈ పాటకు భాస్కర భట్ల సాహిత్యం అందించగా.. రమ్య బెహరా ఆలపించారు. ‘‘విభిన్నమైన వినోదాత్మక కథాంశంతో రూపొందుతోన్న చిత్రమిది. ఆద్యంతం కడుపుబ్బా నవ్విస్తుంది. త్వరలో ట్రైలర్‌ విడుదల చేస్తాం’’ అని చిత్ర వర్గాలు తెలియజేశాయి. ఈ సినిమాకి కూర్పు: చోటా కే ప్రసాద్.