Gully Rowdy: విశాఖపట్నంలో రౌడీ గాడు.. షర్టు బటనిప్పాడు

హైదరాబాద్‌: సందీప్‌ కిషన్‌, నేహా హరిరాజ్‌ శెట్టి ప్రధాన పాత్రల్లో నటిస్తున్న చిత్రం ‘గల్లీరౌడీ’. నాగేశ్వర రెడ్డి దర్శకత్వం వహిస్తున్న ఈ సినిమా నుంచి సరికొత్త పాట విడుదలైంది. ‘విశాఖపట్నంలో రౌడీ గాడు.. షర్టు బటనిప్పాడు ఓ మై గాడు’ అంటూ సాగే ఈ పాటను నటుడు నితిన్‌ విడుదల చేశారు. యూత్‌ఫుల్‌ లవ్‌, ఫ్యామిలీ ఎంటర్‌టైనర్‌గా తెరకెక్కిన ఈ సినిమా త్వరలో ప్రేక్షకుల ముందుకు రానుంది.

‘తెనాలి రామకృష్ణ బీఏ బీఎల్‌’ తర్వాత సందీప్‌ కిషన్‌, నాగేశ్వరరెడ్డి కాంబినేషన్‌లో వస్తోన్న రెండో చిత్రమిది. బాబీ సింహా ప్రతినాయకుడు. ఎంవీవీ సినిమా, కోనా ఫిల్మ్‌ కార్పొరేషన్‌ సంయుక్తంగా ఈ చిత్రాన్ని నిర్మిస్తున్నాయి. ఎంవీవీ సత్యనారాయణ, కోనా వెంకట్‌ నిర్మాతలు, పోసాని కృష్ణ మురళీ, వైవా హర్ష, రాజేంద్ర ప్రసాద్‌ తదితరులు కీలకపాత్రలు పోషించారు. సాయి కార్తీక్‌ స్వరాలు అందించారు.