Tillu Square: కొత్త తేదీకి ‘టిల్లు స్క్వేర్‌’

‘డీజే టిల్లు’గా ప్రేక్షకుల్ని కడుపుబ్బా నవ్వించారు సిద్ధు జొన్నలగడ్డ. ఇప్పుడీ చిత్రానికి సీక్వెల్‌గా ‘టిల్లు స్క్వేర్‌’తో అలరించేందుకు సమాయత్తమవుతున్నారు. మల్లిక్‌ రామ్‌ దర్శకత్వం వహిస్తున్న ఈ సినిమాని సితార ఎంటర్‌టైన్‌మెంట్స్‌ సంస్థ నిర్మిస్తోంది. అనుపమ పరమేశ్వరన్‌ కథానాయిక. ఈ సినిమా ఫిబ్రవరి 9న విడుదల కావాల్సి ఉండగా కొన్ని కారణాల వల్ల వాయిదా వేశారు. అయితే దీన్ని మార్చి 29న ప్రేక్షకుల ముందుకు తీసుకు రానున్నట్లు చిత్ర బృందం శుక్రవారం అధికారికంగా ప్రకటించింది. ఈ మేరకు సిద్ధు, అనుపమ కలిసి ఉన్న ఓ రొమాంటిక్‌ పోస్టర్‌ను అభిమానులతో పంచుకుంది.‘‘డీజే టిల్లు’లా అభిమానుల్నే కాకుండా ప్రేక్షకులందర్ని అలరించేలా ఉంటుంది ‘టిల్లు స్క్వేర్‌’. కచ్చితంగా ఇది మరో మరిచిపోలేని వినోదాత్మక సినిమాగా నిలుస్తుంది’’ అని చిత్ర వర్గాలు తెలిపాయి. ఈ చిత్రానికి సంగీతం: రామ్‌ మిరియాల, ఛాయాగ్రహణం: సాయి ప్రకాశ్‌ ఉమ్మడిసింగు.