Chandrababu: రైతులకు గోనె సంచులు ఇవ్వలేని సీఎం.. 3 రాజధానులు కడతారా?: చంద్రబాబు

కోనసీమ: పోలవరం ప్రాజెక్టును సీఎం జగన్‌ మూలన పడేశారని తెదేపా అధినేత చంద్రబాబు మండిపడ్డారు. సీఎం జగన్‌ అసమర్థ పాలన రైతుల పాలిట శాపంగా మారిందన్నారు. మండపేట రాజారత్నం సెంటర్‌ నుంచి కలవపువ్వు సెంటర్‌ వరకు రోడ్ షో నిర్వహించారు. అనంతరం కలవపువ్వు సెంటర్‌లో నిర్వహించిన బహిరంగ సభలో చంద్రబాబు మాట్లాడారు. ‘‘పురుషోత్తపట్నం ప్రాజెక్టులో నీరు లేక రైతులు అవస్థలు పడుతున్నారు. వైకాపా పాలనలో రైతులు అప్పులపాలయ్యారు. రైతు భరోసా కేంద్రాలు రైతుల పాలిట శాపంగా మారాయి. రైతులకు కనీసం గోనెసంచులు కూడా ఇవ్వలేని ఈ సీఎం.. 3 రాజధానులు కడతారా? రాష్ట్రంలో ఆక్వా కల్చర్‌ వెంటిలేటర్‌పై ఉంది’’ అని చంద్రబాబు ధ్వజమెత్తారు.