Breaking | Feedback | ePratibha | E-PAPER | Pratibha

Dhoni BirthDay: ఈ ప్రయాణం ఎప్పటికీ కొనసాగుతుంది.. ధోనీకి జడేజా బర్త్‌డే విషెస్

భారత్‌కు మూడు ఐసీసీ ట్రోఫీలను అందించిన ఏకైక కెప్టెన్‌గా రికార్డు సృష్టించిన ఎంఎస్ ధోనీ (MS Dhoni) ఇవాళ 42వ ఏడాదిలోకి అడుగుపెట్టాడు. క్రికెటర్లు పెద్ద ఎత్తున ధోనీకి శుభాకాంక్షలు తెలిపారు.

Updated : 07 Jul 2023 12:13 IST

ఇంటర్నెట్ డెస్క్: ‘కెప్టెన్‌ కూల్’ మహేంద్ర సింగ్‌ ధోనీ (MS Dhoni Birth Day) 42వ జన్మదినం సందర్భంగా క్రికెట్ ఆటగాళ్లు, అభిమానుల నుంచి భారీగా శుభాకాంక్షలు వెల్లువెత్తాయి. ధోనీ నాయకత్వంలో ఐదోసారి ఐపీఎల్ విజేతగా చెన్నైసూపర్‌ కింగ్స్‌ నిలవడంతో.. మహేంద్రుడికిది స్పెషల్‌ బర్త్‌డే. సీఎస్‌కే విజేతగా నిలవడంలో రవీంద్ర జడేజా కీలక పాత్ర పోషించాడు. ఫైనల్‌లో వీరోచితంగా ఆడి జట్టును గెలిపించాడు. ‘ధోనీ కోసమే ఈ విజయం’ అంటూ జడేజా అప్పట్లో వ్యాఖ్యానించాడు. తాజాగా ధోనీ జన్మదినం సందర్భంగా సోషల్‌ మీడియా వేదికగా జడేజా చేసిన పోస్టు వైరల్‌గా మారింది.

‘‘2009 నుంచి ఇప్పటి వరకు నీతోనే నా ప్రయాణం.. అలాగే ఎప్పటికీ ఇలాగే సాగుతా. మహీ భాయ్‌ జన్మదిన శుభాకాంక్షలు. త్వరలోనే మళ్లీ యెల్లో జెర్సీలో కలుద్దాం’’

- రవీంద్ర జడేజా

‘‘నాకెంతో ఇష్టమైన ఎంఎస్ ధోనీకి బర్త్‌డే విషెస్’’

- హార్దిక్‌ పాండ్య

‘‘టీమ్‌ఇండియా అత్యంత విజయవంతమైన కెప్టెన్‌ ఎంఎస్ ధోనీకి జన్మదిన శుభాకాంక్షలు. నాయకత్వం, అద్భుతమైన నైపుణ్యాలతో ప్రపంచవ్యాప్తంగా కోట్లాదిమందికి స్ఫూర్తిగా నిలిచావు. భవిష్యత్తులోనూ ఇలానే కొనసాగాలి. భారత్ క్రికెట్‌కు ఎనలేని సేవలు అందిస్తూనే ఉండాలి’’

- జైషా, బీసీసీఐ కార్యదర్శి

‘‘నా పెద్దన్న ధోనీకి బర్త్‌డే విషెస్. మైదానంలో క్రికెట్ విషయాల నుంచి.. మన కలలను పంచుకోవడం వరకూ ఎప్పటికీ మన బంధం విడదీయరానిది. నాయకుడిగా, ఓ స్నేహితుడిగా వెలుతురులో పయనించేలా నాకు మార్గదర్శకుడిగా ఉన్నావు. ఇలాగే ఉండాలని మనస్ఫూర్తిగా కొరుకుంటున్నా. సక్సెస్, ఆరోగ్యం, సంతోషంగా గడపాలి’’

- సురేశ్‌ రైనా

‘‘హెలికాప్టర్‌ షాట్లు, సెకన్ల వ్యవధిలోనే స్టంపౌట్లతో మ్యాచ్‌ను చూసేలా చేయడంలో ముందుంటావు. వ్యూహాలతో ప్రత్యర్థులను చిత్తు చేస్తావు, హ్యాపీ బర్త్‌డే’’

- మయాంక్‌ అగర్వాల్

‘‘ఇవాళ, రేపు.. ఎప్పటికీ ఇలాగే ఉండిపోవాలి. ‘తలా’కు జన్మదిన శుభాకాంక్షలు’’

- చెన్నై సూపర్ కింగ్స్‌

‘‘ఐపీఎల్‌ సందర్భంగా నీతో సంభాషించిన సమయం అత్యున్నతమైంది. నువ్విచ్చిన సలహాలు విలువైనవి. ధోనీకి హ్యాపీ బర్త్‌డే విషెస్’’

- తిలక్‌ వర్మ

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.