Ravindra Jadeja: యూఎస్ వీధుల్లో చిందేసిన టీమ్‌ఇండియా ఆల్‌రౌండర్ రవీంద్ర జడేజా

ఇంటర్నెట్ డెస్క్: ఇటీవల వెస్టిండీస్‌తో జరిగిన రెండు టెస్టుల సిరీస్‌లో ఆల్‌రౌండ్‌ ప్రదర్శన కనబర్చిన రవీంద్ర జడేజా (Ravindra Jadeja) ప్రస్తుతం రిలాక్స్‌ అవుతున్నాడు. విండీస్‌తో వన్డే, టీ20ల సిరీస్‌లకు అతడికి విశ్రాంతినిచ్చారు. ఈ ఖాళీ సమయాన్ని జడేజా సద్వినియోగం చేసుకుంటున్నాడు. కుటుంబసభ్యులతో కలిసి యూఎస్‌కు వెకేషన్‌కు వెళ్లాడు. అక్కడ పర్యాటక ప్రదేశాల్లో చక్కర్లు కొడుతూ ఎంజాయ్‌ చేస్తున్నాడు. ‘‘ముక్కాల ముక్కాబులా లైలా’’ అనే సూపర్‌ హిట్‌ సాంగ్‌కు జడ్డూ డ్యాన్స్‌ ఫ్లోర్‌పై స్టెప్పులేశాడు. ఇందుకు సంబంధించిన వీడియోను ఐపీఎల్‌లో జడేజా ప్రాతినిధ్యం వహిస్తున్న చెన్నై సూపర్‌ కింగ్స్ తన ఇన్‌స్టాగ్రామ్‌ ఖాతాలో పంచుకుంది. జడేజా చాలా బాగా డ్యాన్స్‌ చేశాడని నెటిజన్లు కామెంట్లు పెడుతున్నారు.