నకిలీ వీడియోల హల్చల్
ఇటీవల సినీ హీరోయిన్లు రష్మిక మందాన, కత్రినా కైఫ్ల నకిలీ వీడియోలు కలకలం రేపాయి. డీప్ఫేక్ పరిజ్ఞానంతో సృష్టించిన ఇవి కొత్త చర్చకు దారితీశాయి
ఇటీవల సినీ హీరోయిన్లు రష్మిక మందాన, కత్రినా కైఫ్ల నకిలీ వీడియోలు కలకలం రేపాయి. డీప్ఫేక్ పరిజ్ఞానంతో సృష్టించిన ఇవి కొత్త చర్చకు దారితీశాయి. ఎక్కడా నకిలీవనే అనుమానం కలగని విధంగా పుట్టించిన ఈ వీడియోలు కృత్రిమ మేధ (ఏఐ) వ్యక్తిగత జీవితంలోకి ఎంతగా చొచ్చుకొచ్చే అవకాశముందో, తప్పుడు సమాచారం ఎంత వేగంగా విస్తరించే ప్రమాదముందో కళ్లకు కట్టాయి. డీప్ఫేక్ ఫొటోలు, వీడియోలు, టెక్స్ట్ను గుర్తించే సమర్థ సాధనాల ఆవశ్యకతను ఎత్తి చూపాయి. ఇంతకీ వీటిని పసిగట్టేదెలా?
మనుషులను పోలిన మనుషులు ఏడుగురు ఉంటారని అంటుంటారు. ఇది నిజమో కాదో తెలియదు కానీ మనిషిని పోలిన మనిషి వీడియో, ఫొటోలను సృష్టించటం డీప్ఫేక్ పరిజ్ఞానానికి చిటికెలో పని. ఒకేరకం పోలికలు గలవారి ముఖం స్థానంలో వేరే వ్యక్తుల ముఖాలను మార్పిడి చేసి మాయ చేయటం దీని ప్రత్యేకత. అదీ నిజమైనవని, అచ్చం అసలు వ్యక్తులకే సంబంధించినవే అనేలా భ్రమ కల్పిస్తుంది. డీప్ఫేక్ ప్రోగ్రామ్ అనేది ఓ న్యూరల్ నెట్వర్క్ పోగ్రామ్. దీనికి బోలెడన్ని ఫొటోలు, వీడియోలతో శిక్షణ ఇస్తారు. దీంతో అది ముఖ కవళికలను నేర్చుకుంటుంది. డీప్ఫేక్ పరిజ్ఞానం ఆయువు జెనరేటివ్ అడ్వర్సరియల్ నెట్వర్క్స్ (గాన్స్). ఇది రెండు ఆర్టిఫిషియల్ న్యూరల్ నెట్వర్క్స్ (ఏఎన్ఎన్) సముదాయం. ఇవి ఒకదానికి (ఫొటో, వీడియో) ఎదురుగా మరోదాన్ని నిలబెట్టి ముఖ కవళికలను నేర్చుకునేలా శిక్షణ ఇస్తాయి. ఒక దృశ్యాన్ని మరోటి బురిడీ కొట్టిస్తూ మార్పిడి చేసిన వీడియో, ఫొటోలు సృష్టిస్తాయి. శిక్షణ తీసుకుంటున్నకొద్దీ నైపుణ్యం సాధిస్తాయి. ఇంటెలిజెంట్ సాఫ్ట్వేర్ సాయంతో నిజమైన వీడియోలు, ఫొటోలే అనిపించేలా తీర్చిదిద్దుతాయి. ప్రస్తుతం డీప్ఫేక్స్ ముఖాన్ని మాత్రమే మారుస్తున్నాయి. మున్ముందు మొత్తం దశ్యాన్ని.. అంటే చుట్టుపక్కల పరిసరాలు, దుస్తుల వంటి వాటిని మార్చినా ఆశ్చర్యపోనవసరం లేదు.
ఎలా గుర్తించాలి?
డీప్ఫేక్ పరిజ్ఞానం ఎంత తెలివిగా నకిలీ వీడియో, ఫొటోలను సృష్టించినా వాటిని గుర్తించే అవకాశం లేకపోలేదు.
- కళ్ల కదలికలు, ముఖ కవళికలు అసహజంగా: డీప్ఫేక్ వీడియోల్లో కళ్ల కదలికలు అసహజంగా ఉండొచ్చు. కొన్నిసార్లు కళ్లు అసలే కదలకపోవచ్చు. కనురెప్పలు ఆడించకపోవచ్చు. అలాగే ముఖ కవళికలూ లేకపోవచ్చు. లేదూ ఆయా భావాలు, మాటలకు అనుగుణంగా ముఖం కనిపించకపోవచ్చు.
- ముఖం ఎబ్బెట్టుగా: కళ్లు, కనుబొమలు, ముక్కు, నోరు, దవడ వంటివి ఎబ్బెట్టుగా.. ఉండాల్సిన చోట లేవనిపించొచ్చు. శరీర కదలికలు లేదా భంగిమ సహజంగా కనిపించవు.
- పెదాల కదలిక, మాటలకు పొంతన లేకపోవటం: డీప్ఫేక్స్లో చాలావరకు పెదాల కదలికలకు, రోబో గొంతుకు పొంతన కుదరదు.
- రంగు, నీడలు వేర్వేరు: డీప్ఫేక్ పరిజ్ఞానం వేర్వేరు ఫొటోలు, వీడియో క్లిప్లను జోడించి నకిలీ వీడియోలను సృష్టిసుంది. అందువల్ల కాంతి, నీడలు, నేపథ్యం ఒకేలా ఉండవు. తరచూ మారిపోవచ్చు. ముఖం లేదా శరీరం మీద రంగు, నీడ వంటివి తేడాగా ఉండొచ్చు.
- నాణ్యత లోపం: కృత్రిమ మేధ సృష్టించిన వీడియోలు అంత నాణ్యంగా ఉండకపోవచ్చు. ముఖ్యంగా ఉచిత లేదా చవక వీడియో జనరేటర్లను వాడితే నాణ్యత లోపం కొట్టొచ్చినట్టు కనిపిస్తుంది. పిక్సెల్ విడిపోయినట్టు, మసక మసకగా కనిపిస్తే నకిలీ వీడియోగా అనుమానించాలి.
- వీడియో ఎక్కడిదనేదీ ముఖ్యమే: వీడియోను ఎవరు పోస్ట్ చేశారు? వారి విశ్వసనీయత ఏంటి? అనే వివరాలూ నకిలీ వీడియోలను పట్టిస్తాయి. అధీకృత, విశ్వసనీయ సంస్థలు అనుచిత దృశ్యాలకు అనుమతించవు. కాబట్టి అవి ఎక్కడి నుంచి వచ్చాయో తెలుసుకునే ప్రయత్నం చేయాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాట్సప్ ఛాట్ ఫిల్టర్
వాట్సప్ గత కొన్నిరోజులుగా గోప్యతను కాపాడుతూనే ఎన్నో వినూత్న ఫీచర్లు పరిచయం చేస్తోంది. ఎక్కువ మందికి మెటా ఏఐని అందుబాటులోకి తేవటం దగ్గరి నుంచి యాప్ నుంచే బస్ టికెట్లు కొనుక్కోవటానికి వీలు కల్పించటం వరకూ ఎన్నో సదుపాయాలను ఆరంభించింది. -
సైన్ఇన్ లేకుండానే ఛాట్జీపీటీ
ఛాట్జీపీటీని వాడుకోవాలంటే ముందు సైన్ఇన్ కావాల్సి ఉంటుంది. పాస్వర్డ్ను మరచిపోవటం వంటి సందర్భాల్లో ఇది కష్టంగా అనిపిస్తుంటుంది. -
ఎక్స్లో కమ్యూనిటీ నోట్స్
ఎన్నికలకు సన్నద్ధం అవుతున్న తరుణంలో ఎక్స్ (ట్విటర్) మనదేశంలో కమ్యూనిటీ నోట్స్ను అందుబాటులోకి తెచ్చింది. ఈ ఫీచర్కు కంట్రిబ్యూట్ చేయటానికి కొత్తవారికీ ఆహ్వానం పలికింది -
వైఫై పాస్వర్డ్ మరిచారా?
ఇంటికి వచ్చిన అతిథులో, పరిచయం ఉన్నవారో వైఫై పాస్వర్డ్ అడుగుతుంటారు. చాలాసార్లు అదేంటో గుర్తుకురాదు. మరెలా? చేతిలో ఫోన్ ఉంటే ఇట్టే తెలుసుకోవచ్చు. ఐఫోన్ వాడేవారైతే- సెటింగ్స్ ద్వారా వైఫై విభాగంలోకి వెళ్లాలి. -
సైబర్ నేరాలకు చక్షు కళ్లెం
మోసపూరిత కాల్స్, మెసేజ్ల వంటి సైబర్ నేరాలను అరికట్టటానికి టెలికం విభాగం కొత్త పోర్టల్ను పరిచయం చేసింది. సంచార్ సాథీ కార్యక్రమంలో భాగంగా తీసుకొచ్చిన దీని పేరు చక్షు. -
యాపిల్ పాడ్కాస్ట్లు అక్షరాల్లో..
పాడ్కాస్ట్లు ఎంత పాపులర్ అవుతున్నాయో చూస్తూనే ఉన్నాం. దీన్ని దృష్టిలో పెట్టుకునే యాపిల్ సంస్థ పాడ్కాస్ట్లను మరింత విస్తృతంగా అందుబాటులోకి తేవటానికి, వాటిల్లోని అంశాలను, విషయాలను తేలికగా కనుక్కోవటానికి ఓ వినూత్న ఫీచర్ను ప్రవేశపెట్టింది -
ఫొటోతోనే వీడియో..
షేక్స్పియర్ స్వగతాన్ని మోనాలిసా పాట రూపంలో పాడితే? అదెలా సాధ్యమని ఆశ్చర్యపోకండి. కృత్రిమ మేధ(ఏఐ)తో ఇలాంటి అద్భుతాలు ఎన్నయినా చేయొచ్చు -
చిటికెలో వెబ్సైట్
కొద్ది నిమిషాల్లో వెబ్సైట్ను సృష్టించుకోవాలని అనుకుంటున్నారా? అయితే విక్స్ ఏఐ వెబ్సైట్ బిల్డర్ సాయం తీసుకోవచ్చు. ఇది ఏఐ ఛాట్బాట్ సాయంతో సెకండ్లలోనే వెబ్సైట్ను తయారుచేస్తుంది మరి. -
మన డ్రోన్ ఉపగ్రహం!
డ్రోన్ల గురించి తెలిసిందే. వేడుకల్లో వీడియోలు తీయటం దగ్గరి నుంచి పొలాల్లో మందులు చల్లటం వరకూ రకరకాల పనులకు ఉపయోగపడుతున్నాయి. మరి ఇవి ఉపగ్రహం మాదిరిగానూ పనిచేస్తే? అలా ఉపయోగపడగల మానవరహిత బుల్లి విమాన వాహనాన్ని (అన్మ్యాన్డ్ ఏరియల్ వెహికల్- యూఏవీ) బెంగళూరులోని నేషనల్ ఏరోస్పేస్ ల్యాబోరేటరీస్ (ఎన్ఏఎల్) గతవారం విజయవంతంగా పరీక్షించింది. -
వాట్సప్లో ఫేవరెట్స్ ట్యాబ్
వాట్సప్ ఛాట్స్ జాబితాలో ఇష్టమైన కాంటాక్టులను కనుక్కోవటం కష్టంగా ఉందా? త్వరలోనే దీనికి పరిష్కారం లభించనుంది. కొత్తగా ఫేవరెట్స్ ట్యాబ్ను పరిచయం కానుంది. దీన్ని ప్రస్తుతం ఐఓఎస్, వెబ్ యూజర్ల కోసం పరీక్షిస్తున్నారు. -
ఎక్స్ క్యాచీ శుభ్రం
ఎక్స్ (ట్విటర్) మొబైల్ యాప్ ఫోన్లో, ట్యాబ్లెట్లో క్యాచ్డ్ ఫైళ్లను నిల్వ చేస్తుందని తెలుసా? ఒకవేళ ఫోన్లో స్టోరేజీ నిండుకుంటున్నట్టయితే ఎక్స్ వెబ్, మీడియా క్యాచీని తొలగించుకోవటం తేలికైన, సత్వర పరిష్కార మార్గంగా ఉపయోగపడుతుంది. -
టెక్ చిట్కాలు
ఇన్స్టాగ్రామ్ యూజర్లు ఇకపై బయోలో ఐదు లింకుల వరకు యాడ్ చేసుకోవచ్చు. యాప్లో లాగిన్ అయ్యాక అకౌంట్ సెటింగ్స్ను ఓపెన్ చేయాలి. మన ఫొటో దిగువన ఉండే ఎడిట్ ప్రొఫైల్లోకి వెళ్లి యాడ్ లింకును క్లిక్ చేయాలి. షేర్ చేయాలనుకునే లింకు జత చేసుకుంటే సరి. -
ప్రైవసీ విధాన వివరాలు తేలికగా ..
వెబ్సైట్లకు ప్రైవసీ పాలసీలు ఉండటం తెలిసిందే. వీటిని చాలామంది పెద్దగా పట్టించుకోరు. ఒకవేళ ఆయా విధానాలను చదవాలన్నా పెద్దగా ఉంటాయి. -
యూట్యూబ్ వీడియో ఆడియోగా మారితే
యూట్యూబ్ అంటే ఎప్పుడూ చూడటమేనా? రేడియో మాదిరిగా పాటలు, సంగీతాన్ని వినలేమా? కొన్నిసార్లు ఇలాగే అనిపిస్తుంటుంది. వీడియోలను ఆడియో ఫైళ్లుగా సేవ్ చేసుకుంటే ఇది సాధ్యమే -
సోషల్ ఖాతా హ్యాక్ అయితే?
ఫేస్బుక్, ఎక్స్, ఇన్స్టాగ్రామ్.. ఇలా ఎన్నెన్నో సామాజిక మాధ్యమాలు. అభిప్రాయాలు పంచుకోవటానికైనా.. చుట్టుపక్కల సమాచారాన్ని తెలుసుకోవటానికైనా ఇవి ఎంతగానో ఉపయోగపడుతున్నాయి -
అనవసర జీమెయిళ్ల తొలగింపు తేలికగా
అనవసర ఈమెయిళ్లు చాలా చికాకు కలిగిస్తాయి. రోజురోజుకీ ఇన్బాక్స్లో నిండిపోతూ వస్తుంటాయి. కొన్నిసార్లు వీటిని డిలీట్ చేయటానికే సమయమంతా వెచ్చించాల్సిన పరిస్థితి తలెత్తుతుంది. -
మెయిల్కు జవాబు మరుస్తుంటే?
మెయిల్ను చదువుతాం. తర్వాత జవాబిద్దామని అనుకుంటాం. తీరా మరచిపోతాం. ఎప్పటికో గానీ గుర్తుకురాదు. చాలాసార్లు ఇలాంటి పరిస్థితిని ఎదుర్కొంటూనే ఉంటాం కదా. -
ఫోన్ టైపింగ్ వేగంగా
స్మార్ట్ఫోన్లో వేగంగా టైప్ చేయాలనుకుంటున్నారా? అయితే టెక్స్ట్ రిప్లేస్మెంట్ సాయం తీసుకోండి. దీంతో పెద్ద పదబంధాలకు షార్ట్కట్స్ను సెట్ చేసుకుంటే చాలా సమయం ఆదా అవుతుంది. -
స్నాప్చాట్ లైవ్ లొకేషన్తో భద్రం
మీ పిల్లలు స్నాప్ఛాట్ వాడుతున్నారా? కాస్త జాగ్రత్త. దీనిలోని లైవ్ లొకేషన్ ఫీచర్ను కొందరు దుర్వినియోగం చేయొచ్చు. పిల్లలు ఎక్కడున్నారో గుర్తించొచ్చు. -
మన మెయిల్ మనకే!
కొత్త సంవత్సరంలో లక్ష్యాలు నిర్దేశించుకున్నారా? వాటిని ఎంతవరకు సాధించారో ఎప్పటికప్పుడు సమీక్షించుకోవటం ఎంతైనా మేలు చేస్తుంది. ఇంకా చేయాల్సిందేంటి? ఎలా చేయాలి? అనేవి నిర్ణయించుకోవటానికి వీలవుతుంది -
ఛాట్జీపీటీకి సమాచారమా?
ఛాట్జీపీటీ వాడుతున్నారా? దీనికి వ్యక్తిగత వివరాలూ ఇస్తున్నారా? అయితే జాగ్రత్త పడాల్సిందే. ఛాట్జీపీటీకి మనం ఇచ్చే సమాచారమంతా భవిష్యత్ ఏఐ నమూనాలకు తర్ఫీదు ఇవ్వటానికి ఉపయోగపడుతుంది. మున్ముందు ఇదెక్కడికి దారితీస్తుందో ఎవరికీ తెలియదు.