MWC 2022: టెక్ పండగ వచ్చింది.. కొత్త కొత్త ఫోన్లు తెచ్చింది!
కొత్త కొత్త మొబైళ్లు, గ్యాడ్జెట్ల, సాంకేతికతను ఏటా ప్రపంచానికి పరిచయం చేసే మొబైల్ వరల్డ్ కాంగ్రెస్ (MWC) ప్రారంభమయ్యింది.
ఇంటర్నెట్ డెస్క్: కొత్త కొత్త మొబైళ్లు, గ్యాడ్జెట్లు, సాంకేతికతను ఏటా ప్రపంచానికి పరిచయం చేసే మొబైల్ వరల్డ్ కాంగ్రెస్ (MWC) ప్రారంభమయ్యింది. భారత కాలమానం ప్రకారం సోమవారం (ఫిబ్రవరి 28) మొదలయ్యింది. ఈ టెక్ పండగ మార్చి 3 వరకు స్పెయిన్లోని బార్సిలోనాలో జరుగుతుంది. మొదటి రోజు పోకో, రియల్ మీ, టీసీఎల్, జెడ్టీఈ, హానర్ మొదలగు కంపెనీలు తమ ఫోన్లను పరిచయం చేశాయి. ఇప్పటివరకు అక్కడ ఆవిష్కరించిన స్మార్ట్ఫోన్లు, వాటి ఫీచర్ల వివరాలు మీ కోసం..
పోకో ఎక్స్4 సిరీస్ (Poco X4 Series)
పోకో ఎక్స్ సిరీస్లోనూ రెండు మోడల్స్ను మొబైల్ వరల్డ్ కాంగ్రెస్లో పరిచయం చేశారు. వీటిలో ఒకటి 5జీ ఫోన్ పోకో ఎక్స్4 ప్రో. 120 హెర్జ్ 6.67 అంగుళాల సూపర్ అమోలెడ్ డిస్ప్లేతో తీసుకొస్తున్నారు. స్నాప్డ్రాగన్ 695 5జీ ప్రాసెసర్ను ఉపయోగించారు. 5,000 ఎంఏహెచ్ బ్యాటరీ, 67 వాట్ ఫాస్ట్ ఛార్జింగ్కు సపోర్ట్ చేస్తుంది. వెనకవైపు 108ఎంపీ, 8ఎంపీ, 2ఎంపీ కెమెరాలు ఉన్నాయి. ముందువైపు 16ఎంపీ సెల్ఫీ కెమెరాను ఇస్తున్నారు. పోకో సిరీస్లో మరో కొత్త మోడల్నూ విడుదల చేయనున్నట్లు ప్రకటించారు. పోకో ఎం4 ప్రో (Poco M4 pro 4G) పేరుతో తీసుకొస్తున్న ఈ 4జీ ఫోన్లో 6.43 అంగుళాల అమోలెడ్ డిస్ప్లే ఇస్తున్నారు. 5,000 ఎంఏహెచ్ బ్యాటరీ, 33 వాట్ ఛార్జింగ్కు సపోర్ట్ చేస్తుంది. వెనకవైపు 64ఎంపీ, ముందువైపు 16ఎంపీ కెమెరాలు ఉన్నాయి.
హానర్లో మరో రెండు..
హానర్ మ్యాజిక్ సిరీస్లో మరో రెండు మోడళ్లను పరిచయం చేశారు. హానర్ మ్యాజిక్ 4, మ్యాజిక్ 4 ప్రో పేరుతో విడుదల చేస్తున్నట్లు ప్రకటించారు. ఈ రెండింటిలోని స్పెసిఫికేషన్స్ దాదాపు ఒకేలా ఉన్నాయి. స్నాప్డ్రాగన్ 8 జెన్ 1 5జీ ప్రాసెసర్ను ఉపయోగించారు. 120 హెర్జ్ రిఫ్రెష్ రేటుతో 6.81 అంగుళాల డిస్ ప్లే ఇస్తున్నారు. వెనకవైపు 50 ఎంపీ వైడ్, 50 ఎంపీ అల్ట్రా, 64 ఎంపీ పెరిస్కోప్ కెమెరాలు ఉన్నాయి. ముందు వైపు 12ఎంపీ లెన్స్తో 3డీ డెప్త్ సెన్సార్ను ఇస్తున్నారు. బ్యాటరీ సామర్థ్యంలో రెండింటిలో కాస్త తేడా ఉంది. హానర్ మ్యాజిక్ 4లో బ్యాటరీ సామర్థ్యం 4800 ఎంఏహెచ్ ఉండగా.. హానర్ మ్యాజిక్ 4ప్రోలో 4600 ఎంఏహెచ్ ఉంది.
నోకియా సీ సిరీస్లో కొత్తగా మూడు..
హెచ్ఎమ్డీ గ్లోబల్ కంపెనీ నోకియా సీ సిరీస్లో మరో మూడు ఫోన్లను తీసుకొస్తున్నట్లు వెల్లడించారు. నోకియా సీ2 సెకండ్ ఎడిషన్, నోకియా సీ21, సీ21 ప్లస్ పేరుతో విడుదల చేయనున్నట్లు తెలిపారు.
రియల్మీ జీటీ సిరీస్ మరో రెండు మోడళ్లు..
రియల్ మీ జీటీ సిరీస్లో మరో రెండు మోడల్స్ గురించి మొబైల్ వరల్డ్ కాంగ్రెస్లో పరిచయం చేశారు. రియల్మీ జీటీ 2, రియల్మీ జీటీ 2 ప్రో పేరుతో వీటిని విడుదల చేయనున్నట్లు ప్రకటించారు. 120 హెర్జ్ రిఫ్రెష్ రేట్తో 6.62 అంగుళాలతో రియల్ మీ జీటీ, 6.7 అంగుళాలతో రియల్ మీ జీటీ 2 ప్రో తీసుకొస్తున్నారు. ఈ రెండు మోడళ్లలోని స్పెసిఫికేషన్స్ దాదాపు సేమ్గానే ఉన్నాయి. రెండింటిలో స్నాప్డ్రాగన్ 888 5జీ ప్రాసెసర్ ఇస్తున్నారు. వెనుకవైపు 50 ఎంపీ ప్రైమరీ కెమెరాతోపాటు అదనంగా రెండు కెమెరాలు ఇస్తున్నారు. ముందువైపు 16 ఎంపీ కెమెరా ఉంటుంది.
టీసీఎల్లో రెండు మోడళ్లు..
టీసీఎల్ 30ఈ, టీసీఎల్ 30 ఎస్ఈ సిరీస్ ఫోన్లను మొబైల్ వరల్డ్ కాంగ్రెస్లో పరిచయం చేశారు. ఆక్టా కోర్ మీడియా టెక్ హిలీయో జీ25 ప్రాసెసర్తో 6.25 అంగుళాల డిస్ప్లేతో ఈ రెండు ఫోన్లను ఆవిష్కరించారు. 5000 ఎంఏహెచ్ బ్యాటరీ సామర్థ్యాన్ని కలిగి ఉంటాయి. వెనకవైపు 50ఎంపీ+2ఎంపీ+2ఎంపీ కెమెరాలు ఉన్నాయి. ముందు వైపు 5ఎంపీ కెమెరా ఉంది.
10 నిమిషాల ఛార్జింగ్ 100 నిమిషాల మ్యూజిక్..
యూజర్ల కోసం ప్రత్యేకంగా రియల్ మీ 42డీబీ నాయిస్ కాన్సలేషన్తో ఎయిర్ బడ్స్ 3ను రూపొందించింది. 546 ఎంఏహెచ్ బ్యాటరీ సామర్థ్యంతో రియల్మీ ఎయిర్ బడ్స్ 3ను అక్కడ విడుదల చేశారు. ఇది ఒక గంటలోనే ఫుల్ ఛార్జ్ అయ్యి 30 గంటలపాటు పనిచేస్తుంది. ఈ ఎయిర్బడ్స్తో 10 నిమిషాల ఫాస్ట్ ఛార్జింగ్తో 100 నిమిషాల పాటు మ్యూజిక్ వినొచ్చు.
రియల్మీ బుక్ ప్రైమ్ ల్యాప్టాప్
గతేడాది రియల్ మీ బుక్ స్లిమ్ ల్యాప్టాప్ను ఆవిష్కరించిన విషయం తెలిసిందే. దీన్ని కొత్తగా అప్గ్రేడ్ చేస్తూ రియల్మీ బుక్ ప్రైమ్ ల్యాప్టాప్ను తీసుకొచ్చింది. దీనిలో 11 జెనరేషన్ ఇంటెల్కోర్ ఐ5 ప్రాసెసర్ను ఉపయోగించారు. అడ్వాన్స్డ్ వెపర్ ఛాంబర్ లిక్విడ్ కూలింగ్ సిస్టమ్తో దీన్ని రూపొందించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వెబ్క్యామే స్కానర్
డెస్క్టాప్ ఉంది గానీ స్కానర్ లేదా? పోనీ వెబ్క్యామ్ అయినా ఉందా? అయితే దీన్నే స్కానర్లా వాడుకుంటే సరి. మ్యాక్లోనైతే- ఫొటో బూత్ను ఓపెన్ చేసి, డాక్యుమెంట్ను వెబ్క్యామ్ ముందుకు తీసుకురావాలి. -
ఐఓఎస్ 17.5 పబ్లిక్ బీటా వచ్చింది
ఐఓఎస్ 17.5 పబ్లిక్ బీటా అందుబాటులోకి వచ్చింది. అంటే డెవలపర్ అకౌంట్ లేకపోయినా తాజా ఫీచర్లు, అప్డేట్లను ఎవరైనా ప్రయత్నించొచ్చన్నమాట. ఐఓఎస్ 17.5 స్టేబుల్ వర్షన్ ఇప్పుడప్పుడే వచ్చే అవకాశం కనిపించటం లేదు. -
బహుబలి కెమెరా
అమెరికాలోని ఎస్ఎల్ఏసీ నేషనల్ యాక్సిలేటర్ లేబరేటరీ శాస్త్రవేత్తలు, ఇంజినీర్లు ప్రపంచంలోనే అత్యంత శక్తిమంత కెమెరాను రూపొందించారు. -
పిక్సెల్ ఫోన్లలో లుకప్ ఫీచర్
గూగుల్ పిక్సెల్ ఫోన్ వాడేవారికి శుభవార్త. తెలియని నంబర్ల నుంచి కాల్ చేసే వారిని గుర్తించే లుకప్ ఫీచర్ అందుబాటులోకి రానుంది. దీన్ని ఇంతకుముందు జపాన్లో పరిచయం చేశారు గానీ ఇతర ప్రాంతాల్లో విడుదల చేయలేదు. -
మొబైల్ రోబో
వినూత్న ఫీచర్లతో కూడిన కొత్త టూల్స్తో టెక్నాలజీ రంగం శరవేగంగా విస్తరిస్తోంది. అలాంటి టూల్ ఒకటి ఇటీవలే విడుదలైంది. దీని పేరు ఎల్ఓఓఐ. ఇదో చిన్న డెస్క్టాప్ రోబో. -
మిమిక్రీ ఇంజిన్!
ప్రముఖ కృత్రిమ మేధ కంపెనీ ఓపెన్ఏఐ తాజాగా వాయిస్ అసిస్టెంట్ రంగంలోకి అడుగుపెట్టింది. ఇందులో భాగంగా వాయిస్ ఇంజిన్ అనే వినూత్న టూల్ను పరిచయం చేసింది. -
కొత్త సర్ఫేస్ ల్యాప్టాప్లు
వాణిజ్య అవసరాలను దృష్టిలో పెట్టుకొని మైక్రోసాఫ్ట్ సంస్థ ఏఐ ఆధారిత సర్ఫేస్ ప్రొ 10, సర్ఫేస్ ల్యాప్టాప్ 6 పరికరాలను పరిచయం చేసింది. ఇంటెల్ కోర్ అల్ట్రా ప్రాసెసర్తో కూడిన ఇవి విండోస్ 11 ప్రొ మీద పనిచేస్తాయి. 5జీ కనెక్టివిటీ కూడా ఉంటుంది. -
జంతువుల రంగుల లోకాన్ని చూపించే కెమెరా
జంతువులు, పక్షులు, తేనెటీగలకు ఈ ప్రపంచం ఏ విధంగా కనిపిస్తుంది? మనం చూసే రంగులు వాటికీ కనిపిస్తాయా? చాలామందికి ఇలాంటి సందేహం వచ్చే ఉంటుంది. -
ఉంగరమే న్యూట్రిషనిస్ట్
సామ్సంగ్ ఇటీవల గెలాక్సీ రింగ్ను పరిచయం చేసిన సంగతి తెలిసిందే. ఇది రోజూ తినే ఆహారం విషయంలోనూ సూచనలు ఇవ్వగలదని చెబుతున్నారు. యూజర్ల శరీర ఎత్తు బరువుల నిష్పత్తి (బీఎంఐ) ఆధారంగా ఎన్ని కేలరీల శక్తినిచ్చే ఆహారం తినాలో సూచిస్తుంది. -
రియల్మీ నుంచి నార్జో 70 ప్రొ 5జీ ఫోన్లు
రియల్మీ సంస్థ నార్జో 70 ప్రొ 5జీ ఫోన్ను పరిచయం చేసింది. ఎయిర్ జెశ్చర్స్ శ్రేణిలో ఇదే తొలి ఫోనని కంపెనీ పేర్కొంటోంది. -
ఐఫోన్ కిటుకులు
ఐఫోన్లో ఎన్నో ఫీచర్లు. తెలియనివి ఎన్నెన్నో. తెలిసినా చప్పున గుర్తుకు రాకపోవచ్చు కూడా. కొత్తగా కొన్నవారైనా, తాజా వర్షన్కు అప్డేట్ చేసుకున్నవారైనా, చాలాకాలం నుంచి వాడుతున్నవారైనా.. వీటి గురించి తెలుసుకుంటే చిటికెలో పనులు పూర్తిచేసుకోవచ్చు. -
ఫొటో కటౌట్ చిటికెలో
ఫొటోలో వెనక దృశ్యాలను తొలగించి, కటౌట్ చేయటం పెద్ద పని. అడోబ్ ఫొటోషాప్, ఏఐ టూల్స్ వంటి అధునాతన సాధనాలు అవసరం. -
సెల్ సర్వీసు మొరాయిస్తే?
ఎప్పుడైనా సెల్ఫోన్ సర్వీసు సరిగా పనిచేయకపోతే ఫోన్ను ఎయిర్ప్లేన్ మోడ్లో పెట్టి, కాసేపు వేచి చూడాలి. తర్వాత ఫోన్ను యథాస్థితికి తేవాలి. దీంతో ఫోన్ సమీపంలోని సెల్ టవర్తో కనెక్ట్ అవుతుంది -
పాస్వర్డ్ మేనేజర్ భద్రమేనా?
భద్రత, బ్యాకప్ టూల్స్గా పాస్వర్డ్ మేనేజర్స్ ఉపయోగపడతాయి. వీటితో పాస్వర్డ్లను గుర్తుపెట్టుకోవటం, ప్రతీసారీ పాస్వర్డ్ను టైప్ చేయటం తప్పుతాయి. కానీ చాలామంది వీటిని వాడుకోరు. హ్యాకర్లు పాస్వర్డ్లను దొంగిలించే ప్రమాదముందని భావించటం దీనికి ఒక కారణం. అందువల్ల ఇవి మంచివేనా? అనే అనుమానం కలుగుతుంటుంది. -
ఐఫోన్కు మరింత భద్రత
యాపిల్ సంస్థ ఐఓఎస్ 17.3 బీటాతో ఐఫోన్ల కోసం గొప్ప భద్రత ఫీచర్ను పరిచయం చేసింది. దీని పేరు స్టోలెన్ డివైస్ ప్రొటెక్షన్. పేరుకు తగ్గట్టుగానే ఫోన్ను ఎవరైనా దొంగిలించినప్పుడు యాపిల్ ఖాతాను కాపాడుకోవటానికిది ఉపయోగపడుతుంది. బహిరంగ ప్రదేశాల్లో ఐఫోన్ దొంగతనాలు పెరిగిపోతున్న నేపథ్యంలో ఈ ఫీచర్ను ప్రవేశపెట్టారు. -
ఇక మొబైల్ ఫోనే టీవీ
రేడియో, ఫోన్లలోని రిసీవర్ ఆయా ఫ్రీక్వెన్సీలను గ్రహించి ఎఫ్ఎం రేడియో కార్యక్రమాలు ప్రసారం చేస్తాయి కదా. డీ2ఎం పరిజ్ఞానమూ దీన్నే పోలి ఉంటుంది. కాకపోతే ఇది వీడియోలను ప్రసారం చేస్తుంది. ఇంట్లో టీవీ కార్యక్రమాలను రోజూ చూస్తూనే ఉంటాం. మొబైల్ ఫోన్లో యూట్యూబ్లోనూ అప్పుడప్పుడు వీటిని వీక్షిస్తుంటాం. -
పాత ప్రింటర్ను అమ్ముతున్నారా?
ప్రింటర్తో ఎన్నెన్నో డాక్యుమెంట్లు ప్రింట్ చేస్తూనే ఉంటాం. అప్పుడప్పుడూ రహస్య సమాచారంతో కూడిన పత్రాలనూ ప్రింట్ చేస్తుంటాం. ఇవన్నీ వ్యక్తిగత సమాచారం రూపంలో నిక్షిప్తమై ఉంటాయి. -
నచ్చిన ఫొటోల స్లైడ్షో
ఇష్టమైన ఫొటోలను స్లైడ్ షోగా చూస్తుంటే చాలా సంతోషంగా ఉంటుంది కదా. విండోస్ పీసీ వాడేవారు తమకు తామే దీన్ని సృష్టించుకోవచ్చు. నచ్చిన వాల్పేపర్లు, ఫొటోలను ఒక ఫోల్డర్లో వేయాలి. -
ఫొటో అసలుదేనా?
ఆన్లైన్లో ఎన్నో ఫొటోలు. అన్నీ అసలువే కాకపోవచ్చు. కొన్ని నకిలీ ఫొటోలూ ఉండొచ్చు. కృత్రిమ మేధ సృష్టిస్తున్న ఫొటోలతో ఈ బెడద మరింత ఎక్కువైంది కూడా. -
కీబోర్డు మీద వేళ్ల ప్రయాణం!
కీబోర్డు మీద చకచకా టైప్ చేస్తుంటాం గానీ ఆ సమయంలో చేతి వేళ్లు ఎంత దూరం ప్రయాణించాయో ఎప్పుడైనా లెక్కించారా? చేతి వేళ్లు ప్రయాణించటమేంటని అనుకుంటున్నారా? మరేమీ లేదు. -
వినూత్నం మృదు రోబో
ఎటంటే అటు వంగే మృదువైన రోబోల విషయంలో నార్త్ కరోలీనా స్టేట్ యూనివర్సిటీ శాస్త్రవేత్తలు గొప్ప పురోగతిని సాధించారు. ట్విస్టెట్ రింగ్బాట్స్ను రూపొందించి సంచలనం సృష్టించారు.