Vivek Ramaswamy: అమెరికా ఎన్నికల్లో వివేకానందం!
అమెరికాలో సామాన్యుల నుంచి అసామాన్యులనుకున్నవారినీ ఆకర్షించుకుంటూ అధ్యక్ష ఎన్నికల ప్రచారంలో సంచలనం సృష్టిస్తున్న పేరు వివేక్ రామస్వామి! భారతీయ సంతతికి చెందిన ఈ పేరు అమెరికా అధ్యక్ష ఎన్నికల్లో ప్రస్తుతానికి మారుమోగిపోతోంది.
అధ్యక్ష అభ్యర్థిత్వ రేసులో రామస్వామి దూకుడు
ఆయన మాటలకు...
ఓ మెక్డొనాల్డ్ మేనేజర్ అభిమానయ్యాడు...
ఆయన టీవీ చర్చ విని ఓ చర్చి పాస్టర్ ఇంటికి భోజనానికి పిలిచేశాడు...
ఆయన వాదనా పటిమకు ఏకంగా ఎలాన్ మస్క్ ఫిదా అయిపోయాడు...
... ఇలా అమెరికాలో సామాన్యుల నుంచి అసామాన్యులనుకున్నవారినీ ఆకర్షించుకుంటూ అధ్యక్ష ఎన్నికల ప్రచారంలో సంచలనం సృష్టిస్తున్న పేరు వివేక్ రామస్వామి(Vivek Ramaswamynri)! భారతీయ సంతతికి చెందిన ఈ పేరు అమెరికా అధ్యక్ష ఎన్నికల్లో ప్రస్తుతానికి మారుమోగిపోతోంది. అనిశ్చితిలో కొట్టుమిట్టాడుతున్న అమెరికా ఓటర్లను... ముఖ్యంగా రిపబ్లికన్లను 38 ఏళ్ల రామస్వామి వాదన ఆలోచింపజేస్తోంది. డొనాల్డ్ ట్రంప్ కేసుల వెంట తిరుగుతుంటే... అధ్యక్ష ఎన్నికల ప్రచారంలో రోజురోజుకూ రామస్వామి ప్రాచుర్యం పెరుగుతోంది.
జాతి వివక్షపై...
సంప్రదాయ క్రిస్టియన్ పద్దతులకు మొగ్గు చూపే రిపబ్లికన్ పార్టీ అభిమానులను హిందూ కుటుంబానికి చెందిన భారతీయ సంతతి రామస్వామి ఆకర్షిస్తుండటం అందరిలో ఆసక్తి కలిగిస్తోంది. రిపబ్లికన్ పార్టీలో డొనాల్డ్ ట్రంప్నకు ప్రత్యామ్నాయంగా ఎదిగేందుకు ఆయన తీవ్రంగా కృషి చేస్తున్నారు. ఎలాంటి మొహమాటం లేకుండా కుండబద్దలు కొట్టినట్లుగా మాట్లాడుతుంటే విన్నవారెవరైనా కాసేపు ఆగాల్సిందే! జాతి వివక్ష, సామాజిక న్యాయాల విషయంలో రామస్వామి చేస్తున్న వాదన (యాంటీ వోకిజం) ఆసక్తికరం. ట్రంప్ మాదిరిగా నల్లజాతివారిపై శ్వేతజాతీయులను ఆయన రెచ్చగొట్టడం లేదు. శ్వేతజాతి వారిని చిన్నచూపుచూడటం, కించపరచటం, వివక్ష చూపటం (రివర్స్ రేసిజం) కూడా వివక్షే అని ప్రకటించటం ద్వారా ఆలోచన రేకెత్తిస్తున్నారు. ట్రంప్ అభిమానులనూ పునరాలోచనలో పడేస్తోంది. అమెరికా సంపన్నుల్లో పేరొందిన ప్రముఖ పారిశ్రామికవేత్త బిల్అక్మాన్... వివక్షపై రామస్వామి వాదన విన్న తర్వాత... ‘‘ఈయన ఎన్నడో అమెరికా అధ్యక్షుడవుతాడు. ఆయన సందేశం కోసం సిద్ధంగా ఉండండి’’ అని జోస్యం చెప్పారు.
తాను బయటివాడిని కాదని...
చాలామంది మొహమాటపడో, విమర్శలకు భయపడో, వివాదాలకు జడిసో... మాట్లాడకుండా వదిలేసే సత్యాలను నిర్మొహమాటంగా వెల్లడించటం రామస్వామి బలం. గుంపులో గోవిందయ్యలా ఉండకుండా ఎవరేమనుకున్నా మనసులో మాట చెప్పేయటం ఆయనను ఆకర్షింపజేస్తోంది. ఉదాహరణకు... అబార్షన్ల మీద అమెరికాలో వివాదం నడుస్తోంది. అబార్షన్ నిర్ణయం స్త్రీల హక్కు అని ఉద్యమకారులు నినదిస్తున్నారు. దీనికి వ్యతిరేకంగా మాట్లాడేవారిపై విమర్శలు వెల్లువెత్తుతున్నాయి. తిరోగమనవాదులుగా చిత్రీకరిస్తున్నారు. కానీ... రామస్వామి కొన్ని ప్రత్యేక పరిస్థితుల్లో తప్పిస్తే అబార్షన్కు నేను వ్యతిరేకం అని ధైర్యంగా ప్రకటించారు. ఈ వైఖరి సంప్రదాయ అమెరికన్ క్రిస్టియన్ ఓటర్లను ఆకర్షిస్తోంది. రిపబ్లికన్ ట్రంప్లా విచక్షణ రహితంగా ప్రకటనలు చేయకుండా... డెమొక్రాట్లలా తాయిలాలు ప్రకటించకుండా సంయమనం పాటిస్తూ, ప్రతి విధాన నిర్ణయాన్నీ తార్కికంగా వివరిస్తున్న తీరు చాలామందిని ఆకట్టుకుంటోంది. పైగా తన హిందూ కుటుంబ మూలాలను ఎక్కడా దాచకుండా... మతాలేవైనా మంచి కోసమే అంటూ బైబిల్ను కూడా వల్లెవేస్తున్నారు. ‘‘నేను క్రైస్తవంలో పెరగలేదు. కానీ మనందరం ఒకే మూలాల్ని పంచుకుంటున్నాం. అనుసరించే విలువలు ఒక్కటే’’ అంటూ మతపరమైన సమతౌల్యాన్ని పాటించటం ద్వారా అమెరికా రాజకీయాల్లో తానేమీ బయటివాడిని కాదని ఒప్పిస్తున్న తీరు రామస్వామి ప్రత్యేకత. ఎలాన్ మస్క్ అంతటివాడు ఆయన ట్వీట్లను మెచ్చుకుంటూ రీట్వీట్ చేస్తున్నారు.
ఒకవంక ట్రంప్తో పోటీపడి... రిపబ్లికన్ పార్టీ అభ్యర్థిత్వానికి ప్రయత్నిస్తూనే... మరోవైపు రాజకీయ కేసుల్లో ట్రంప్నకు మద్దతుగా రామస్వామి నిలవటం విశేషం. ట్రంప్పై కేసుల విచారణలో పారదర్శకత లోపించిందంటూ రామస్వామి అమెరికా న్యాయ విభాగంలో పిటిషన్ వేశారు. బహుశా కేసుల కారణంగా ఎన్నికల్లో నిలబడని పరిస్థితి తలెత్తితే ట్రంప్ సైతం రామస్వామి వైపు మొగ్గు చూపుతారేమో! ట్రంప్నకు మీరు ఉపాధ్యక్షుడిగా ఉంటారా అన్న ప్రశ్నకు రామస్వామి అవునని బదులివ్వటం గమనార్హం! అలనాడు... స్వామి వివేకానందుడు అధ్యాత్మికంగా అమెరికాను ఉర్రూతలూగించినట్లు... ఇప్పుడు అమెరికాను ఈ రాజకీయ వివేక్ స్వామి ఊపేస్తాడా? అనేది చూడాలి!
ఆకట్టుకుంటున్న రామస్వామి నినాదాలు...
- ‘‘దేవుడు సత్యం! ప్రపంచంలో మనుషులు రెండేరకాలు. ఆడ, మగ!
- మానవశ్రేయస్సుకు శిలాజ ఇంధనాలు అవసరం.
- రివర్స్ వివక్షా వివక్షే!
- హద్దుల్లేనిది సరిహద్దుకానేకాదు.
- పిల్లల చదువులను తల్లిదండ్రులే నిర్ణయించాలి. అది బాధ్యత. చిన్న కుటుంబాలే మానవాళికి మేలు.
- పెట్టుబడిదారీ వ్యవస్థ పేదరికాన్ని పోగొడుతుంది.
రామస్వామి తల్లిదండ్రులు కేరళ నుంచి వలస వెళ్లి అమెరికాలో స్థిరపడ్డారు. వివేక్ అక్కడే జన్మించారు. ఇప్పటికీ ఆయన కుటుంబం హిందూ సంప్రదాయాలనే అనుసరిస్తుంది. పుట్టుకతోనే అమెరికా పౌరుడు కాబట్టి అధ్యక్ష పదవికి అర్హుడు. హార్వర్డ్ విశ్వవిద్యాలయం నుంచి బయాలజీ చదివిన రామస్వామి... యేల్ లా స్కూల్ నుంచి లాయర్ అయ్యారు. చదివేటప్పుడు హార్వర్డ్ పొలిటికల్ యూనియన్కు అధ్యక్షుడిగా కూడా చేశారు. వాదన, చర్చలంటే ఎంతో ఇష్టం. రిపబ్లికన్, డెమొక్రాటిక్ పార్టీలంటే ఇష్టం లేదని చెప్పేవారు. భార్య డాక్టర్ అపూర్వ. వీరికి ఇద్దరు అబ్బాయిలు.
2014లో రోవెంట్ సైన్సెస్ అనే సంస్థను స్థాపించిన రామస్వామి... 2015లో అమెరికా స్టాక్ మార్కెట్లో భారీ ఐపీఓకు వెళ్లారు. క్యాన్సర్, అల్జీమర్స్లాంటి వ్యాధులకు విజయవంతంగా మందులు తయారు చేసి అనుమతులు పొందటంతో బయోటెక్రంగంలో అమెరికాలో అతిపెద్ద పారిశ్రామికవేత్తగా ఎదిగారు. అమెరికాలోని టాప్ యువ బిలియనీర్లలో రామస్వామి ఒకరు. ప్రస్తుతం రిపబ్లికన్పార్టీ అభ్యర్థిత్వం కోసం పోటీపడుతున్నవారిలో సంపద దృష్ట్యా ట్రంప్ తర్వాతి స్థానం రామస్వామిదే!
ఈనాడు ప్రత్యేక విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
విచక్షణ మరిచి.. చొక్కాలు పట్టుకుని ఎత్తిపడేసి: తైవాన్ పార్లమెంట్లో ఎంపీల కొట్లాట
Taiwan: తైవాన్లో పార్లమెంట్ సభ్యులు విచక్షణ మరిచి పరస్పరం దాడికి దిగారు. చొక్కాలు పట్టుకుని కొట్టుకున్నారు. ఈ దృశ్యాలు వైరల్ అవుతున్నాయి. -
కిర్గిస్థాన్లో అల్లర్లు.. భారత విద్యార్థులకు కేంద్రం అలర్ట్
అంతర్జాతీయ విద్యార్థులను లక్ష్యంగా చేసుకొని కిర్గిస్థాన్ (Kyrgyzstan) రాజధానిలో మూక హింస చెలరేగడంతో.. భారత విద్యార్థులు అప్రమత్తంగా ఉండాలని కేంద్రం హెచ్చరించింది. -
మరింత సంపన్నులైన రిషి, అక్షతా దంపతులు
బ్రిటన్ ప్రధానమంత్రి రిషి సునాక్, ఆయన భార్య అక్షతా మూర్తిలు మరింత సంపన్నులు అయ్యారు. -
అధ్యక్ష పదవికి భారతీయ అమెరికన్ పోటీ!
పాలక డెమోక్రటిక్ పార్టీకి చెందిన భారతీయ అమెరికన్ కాంగ్రెస్ సభ్యుడు రో ఖన్నా (47) మున్ముందు అమెరికా అధ్యక్ష పదవికి పోటీ చేసే అవకాశం ఉందని ఆయన సహచరులు భావిస్తున్నారు. -
2050 నాటికి పెరగనున్న ఆయుర్దాయం
ప్రపంచవ్యాప్తంగా 2022 నుంచి 2050 మధ్య ఆయుర్దాయం పురుషుల్లో 5 సంవత్సరాలు, మహిళల్లో 4 ఏళ్లు పెరుగుతుందని లాన్సెట్ జర్నల్లో ప్రచురితమైన ఓ అధ్యయనం అంచనా వేసింది. -
ఉత్తర గాజాలో హోరాహోరీ
గాజాలో ఇజ్రాయెల్-హమాస్ మధ్య పోరు హోరాహోరీ సాగుతోంది. ముఖ్యంగా ఉత్తర గాజాలో జబాలియా కేంద్రంగా దాడులు, ప్రతిదాడులు భారీస్థాయిలో కొనసాగుతున్నాయి. -
ఆగ్నేయాసియాలో రక్తపోటు బాధితులు 29.4 కోట్ల మంది : డబ్ల్యూహెచ్వో
అధిక రక్తపోటు కారణంగా గుండె పోటు, పక్షవాతం, క్యాన్సర్ల లాంటి సాంక్రమికేతర వ్యాధులతో పాటు మరణం, వైకల్యం సంభవించే ముప్పు ఎక్కువగా ఉందని ప్రపంచ ఆరోగ్య సంస్థ(డబ్ల్యూహెచ్వో) ఆగ్నేయాసియా రీజనల్ డైరెక్టర్ సైమా వాజెడ్ చెప్పారు. -
ఖర్కీవ్ను ఆక్రమించే ప్రణాళికల్లేవ్
ఈశాన్య ఉక్రెయిన్లోని ఖర్కీవ్ ప్రాంతంలో బఫర్ జోన్ ఏర్పాటే అక్కడ తమ తాజా దాడుల లక్ష్యమని రష్యా అధ్యక్షుడు వ్లాదిమిర్ పుతిన్ అన్నారు. -
నరమేధానికి పాల్పడలేదు
గాజాలో తాము నరమేధానికి పాల్పడుతున్నామన్న ఆరోపణలను ఇజ్రాయెల్ తిరస్కరించింది. పౌరుల భద్రత కోసం అన్ని రకాల చర్యలు చేపడుతున్నామని అంతర్జాతీయ న్యాయస్థానానికి (ఐసీజే) తెలిపింది. -
కిడ్నాప్ చేసి.. పొరుగింట్లోనే 26 ఏళ్లు బంధించి
యువకుడిని కిడ్నాప్ చేసి.. అతడి ఇంటికి కేవలం 100 మీటర్ల దూరంలోనే 26 ఏళ్లు బంధించారు. ఎట్టకేలకు ఓ సోషల్ మీడియా పోస్టు ఆధారంగా బాధితుడిని రక్షించారు. -
ఉ.కొరియా బాలిస్టిక్ క్షిపణి ప్రయోగం
ఉత్తరకొరియా మళ్లీ కవ్వింపు చర్యలకు పాల్పడింది. శుక్రవారం స్వల్పశ్రేణి బాలిస్టిక్ క్షిపణిని ప్రయోగించింది. ఈ విషయాన్ని దక్షిణకొరియా ధ్రువీకరించింది. -
పర్యావరణ హితులకు యూఏఈ ‘బ్లూ రెసిడెన్సీ వీసా’లు
పర్యావరణ పరిరక్షణ, సుస్థిరతను ప్రోత్సహించేందుకు యునైటెడ్ అరబ్ ఎమిరేట్స్ (యూఏఈ) ప్రభుత్వం కీలక నిర్ణయం తీసుకుంది. -
మరో 30 ఏళ్లకు మనం అంగారకుడి సిటీలో: ఎలాన్ మస్క్ ఆసక్తికర పోస్ట్
Elon Musk: మరో 30 ఏళ్లలో అంగారక గ్రహంపై ఏర్పాటయ్యే నగరంలో మనుషులు జీవిస్తారని స్పేస్ఎక్స్ అధినేత ఎలాన్ మస్క్ అంచనా వేస్తున్నారు.
తాజా వార్తలు (Latest News)
-
హైదరాబాద్లోని పలు ప్రాంతాల్లో వర్షం
-
టీమ్ఇండియా.. ‘అమెరికా’ విమానం ఎక్కేదప్పుడే!
-
హైదరాబాద్ మెట్రో రైలు ప్రయాణ వేళల్లో మార్పు లేదు
-
కడప గౌస్నగర్ ఘటనపై ఎస్పీ సిద్ధార్థ్ కౌశల్ ఆగ్రహం
-
పల్నాడు కలెక్టర్గా శ్రీకేశ్ బాలాజీ .. ఈసీ ఉత్తర్వులు
-
నా మాజీ భర్తతో పోలుస్తారెందుకు? నెటిజన్ కామెంట్పై రేణూ దేశాయ్ అసహనం