Wolf: రూ.20 లక్షలు పెట్టి.. తోడేలులా మారిపోయి!

టోక్యో: జీవితంలో ఒక్కొక్కరిది ఒక్కో కల.. ఒక్కో అభిరుచి. కానీ, జపాన్‌ (Japan)కు చెందిన ఓ టోరు ఉయెదాది మాత్రం విచిత్రమైన కోరిక. అదే ‘తోడేలు’గా మారిపోవడం. ఈ క్రమంలోనే రూ.20 లక్షలు ఖర్చు చేసి మరీ.. చిన్నప్పటినుంచి నుంచి ఉన్న తన కోరికను తీర్చుకుని సంబరపడిపోతున్నాడు. ఓ సంస్థ ప్రత్యేకంగా రూపొందించిన ‘తోడేలు కాస్ట్యూమ్‌ (Wolf Costume)’ ధరించి అచ్చంగా తోడేలుగా కనిపిస్తూ.. మురిసిపోతున్నాడు. దీనికి సంబంధించిన ఫొటోలు నెట్టింట వైరల్‌గా మారాయి.

ఆ అంతుచిక్కని వస్తువు.. భారత రాకెట్‌ శకలమే..!

సినిమాలు, చలనచిత్ర రంగానికి కాస్ట్యూమ్‌లు రూపొందించే ‘జెప్పెట్‌’ అనే సంస్థ ఈ తోడేలు డ్రెస్‌ను తయారు చేసింది. నలుగురు సిబ్బంది ఏడు వారాలపాటు కష్టపడి దీన్ని కుట్టినట్లు చెప్పింది. టోరో విజ్ఞప్తి మేరకు.. రెండు కాళ్లతోనే నడిచే విధంగా దీన్ని రూపొందించినట్లు తెలిపింది. ఇంట్లో వీలుచిక్కినప్పుడల్లా తోడేలు డ్రెస్‌లో దూరిపోయి.. హాయిగా విశ్రాంతి తీసుకుంటూ, బాధలన్నీ మరచిపోతున్నట్లు టోరు చెబుతున్నాడు. గతంలో ఇదే సంస్థ రూపొందించిన డ్రెస్‌తో జపాన్‌ చెందిన ఓ వ్యక్తి అచ్చూ ‘కోలీ’ జాతి శునకంలా మారిపోయాడు.