Vizag Drugs Case: వైకాపాకు సన్నిహితంగా కూనం కుటుంబం..!

      బ్రెజిల్‌ నుంచి దిగుమతి చేసుకున్న డ్రైడ్‌ ఈస్ట్‌లో మాదకద్రవ్యాలు వెలుగు చూసిన నేపథ్యంలో సంధ్య ఆక్వా సంస్థ, వైకాపా నేతల మధ్య సంబంధాలు చర్చనీయాంశం అయ్యాయి. వైకాపా ఎంపీ విజయసాయిరెడ్డికి సంధ్య ఆక్వా ఎక్స్‌పోర్ట్స్‌ సంస్థ ఎండీ కూనం వీరభద్రరావు సన్నిహితుడనే అంశాలు సామాజిక మాధ్యమ వేదికగా వెలుగులోకి వచ్చాయి. ప్రకాశం జిల్లా నాగులుప్పలపాడు మండలం ఈదుమూడికి చెందిన వీరభద్రరావు కుటుంబం వైకాపాలోనే ఉంది. సహకార పరపతి సంఘం త్రీమెన్‌ కమిటీ ఛైర్మన్‌గా ఆయన సోదరుడు పూర్ణచంద్రరావును వైకాపా ప్రభుత్వమే నియమించింది.