Earthquake: నేపాల్‌ను వణికించిన భారీ భూకంపం.. ప్రధాని మోదీ దిగ్ర్భాంతి

నేపాల్‌లో (Nepal) శుక్రవారం రాత్రి 11.47 గంటల ప్రాంతంలో భారీ భూకంపం (Earthquake) సంభవించింది. రిక్టర్‌ స్కేల్‌పై భూకంప తీవ్రత 6.4గా నమోదైనట్లు యూఎస్‌ జియోలాజికల్‌ సర్వే తెలిపింది. వాయువ్య నేపాల్‌లోని మారుమూల పర్వత ప్రాంతాల్లో సంభవించిన ఈ విపత్తులో ఇప్పటివరకు 128 మంది ప్రాణాలు కోల్పోయినట్లు అధికారులు వెల్లడించారు. మరో 140 మంది వరకు గాయపడ్డారు. మృతుల సంఖ్య మరింత పెరిగే అవకాశమున్నట్లు తెలుస్తోంది.